Son moitas as actividades que se veñen realizando nos últimos anos para fomentar a aprendizaxe do catalán na comunidade catalá do exterior, especialmente entre os máis pequenos.
Fonte: Generalitat de Catalunya
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de xullo de 2015
22 de xullo de 2015
O volume En memoria de tanto miragre, presentado polo Instituto da Lingua Galega, pretende ser unha homenaxe ao traballo do filólogo británico David Mackenzie, precursor do “galicianismo internacional”.
Fonte: Galicia Confidencial
22 de xullo de 2015
O secretario xeral de Política Lingüística, Valentín García, participou en Lugo no acto de presentación da IX edición do Certame Condado de Pallares.
Fonte: Xunta de Galicia
21 de xullo de 2015
Co obxectivo de promover o .gal, comeza unha campaña que durará ata o 20 de outubro para poder contratar este dominio a un prezo máximo de 40 euros máis IVE.
Fonte: Código Cero
21 de xullo de 2015
Oito tradutores de seis países europeos realizarán un curso de éuscaro no País Vasco organizado polo Instituto Etxepare e a Asociación de Tradutores, Correctores e Intérpretes de Lingua Vasca (EIZIE). De entre eles, catro traducirán unha obra escrita en éuscaro ás súas linguas nativas.
Fonte: Cadena Ser
20 de xullo de 2015
Os novos oficiais da policía metropolitana de Londres deberán falar, alén do inglés, unha segunda lingua entre as que se inclúe o portugués, o español, o alemán, o grego e o árabe.
Fonte: The Guardian
20 de xullo de 2015
Un investigador de orixe española documenta desde hai oito anos a lingua otomí de Santiago Tilapa, unha localidade próxima a Cidade de México, co obxectivo de salvala da extinción.
Fonte: El Universal
20 de xullo de 2015
Kathleen March, unha tradutora estadounidense de autores galegos ao inglés, confía en non chegar a ver "a morte do galego" e anima os galegos e galegas a transmitirlles a lingua ás próximas xeracións.
Fonte: Galicia Hoxe
20 de xullo de 2015
A principal asociación a prol da lingua galesa, Cymdeithas yr Iaith Gymraeg (Sociedade da Lingua Galesa), presentou un documento que defende acadar o millón de falantes de galés, como obxectivo para as próximas eleccións do País de Gales.
Fonte: Nationalia
20 de xullo de 2015
A lingua catalá viu reducido o seu uso en Cataluña nun 1,2 % e o seu entendemento nun 2,2 %, segunda datos do período 2003-2013. Tal e como se informou na III Xornada sobre lingua e sociedade nos territorios de fala catalá, a principal causa deste descenso parece ser a migración ocorrida neste mesmo período.
Fonte: La Vanguardia
Boletín
Subscríbase ao boletín
