Unha serie da Estrada, Mírame cuando te hablo, adaptada á lingua de signos, acadou gran éxito internacional ao recibir un premio no Festival Internacional de Cine en Lingua de Signos de Toronto.
Fonte: Praza Pública
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
14 de xullo de 2015
Unha empresa italiana publicou un dicionario da alimentación en 9 linguas: italiano, inglés, alemán, francés, español, portugués, chinés e ruso. O dicionario está dispoñible en versión electrónica e como aplicación para Android.
Fonte: Il Velino
14 de xullo de 2015
A Cooperativa de Información Friulana desenvolveu Fûrxfur, un proxecto de comunicación integrado en lingua friulana financiado pola Axencia Rexional da Lingua Friulana (ARLEF).
Fonte: Udine Today
14 de xullo de 2015
O Miradoiro do Gundián na Ponte Ulla acolleu a presentación da nova xira dos Bolechas por concellos da Rede de Dinamización Lingüística (RDL) da Xunta de Galicia, no marco da actividade “Os Bolechas na máquina do tempo” do “FalaRedes 2015”. A familia animada máis coñecida de Galicia chegará desde esta fin de semana ata outubro a outros 36 concellos ata completar o seu percorrido por 40 localidades da RDL.
Fonte: Xunta de Galicia
14 de xullo de 2015
O Diario Oficial de Galicia (DOG) publicou a orde da Consellería de Cultura, Educación e Ordenación Universitaria pola que se convocan 8 bolsas de formación en proxectos de investigación que se están a desenvolver no Centro Ramón Piñeiro para a Investigación en Humanidades (CRPIH). O texto completo da convocatoria está dispoñible en www.lingua.gal.
Fonte: Xunta de Galicia
14 de xullo de 2015
O Diario Oficial de Galicia (DOG) publicou a orde da Consellería de Cultura, Educación e Ordenación Universitaria pola que se convocan 8 bolsas de formación en proxectos de investigación que se están a desenvolver no Centro Ramón Piñeiro para a Investigación en Humanidades (CRPIH). O texto completo da convocatoria está dispoñible en www.lingua.gal.
Fonte: Xunta de Galicia
14 de xullo de 2015
O conselleiro de Cultura, Educación e Ordenación Universitaria, Román Rodríguez, recordou o emblemático escritor silledense Ramón de Valenzuela, con motivo do acto inaugural da XII Forxa Literaria, organizada pola Fundación Paco Lareo "A Solaina" de Piloño.
Fonte: Xunta de Galicia
14 de xullo de 2015
Segundo a enquisa Ómnibus 2015, o catalán aumentou como lingua de preferencia dos cataláns para ler, ir ao cine ou ao teatro con respecto aos datos do ano pasado. En concreto, a lectura en catalán aumentou un 3,8 %, ir ao cine un 1,1 % e ir ao teatro un 3 %.
Fonte: La Vanguardia
14 de xullo de 2015
A asociación Iniciativa polo Asturiano asinou un convenio coa empresa Appsturias co que se traballará a favor da normalización desta lingua nas novas tecnoloxías.
Fonte: Asturnews
14 de xullo de 2015
Un informe sobre linguas rexionais denuncia a desprotección que sofre o galego nas zonas de Asturias e León onde se fala, ademais da falta de medidas do Goberno central por protexelo.
Fonte: Sermos Galiza
Boletín
Subscríbase ao boletín
