O Ministerio de Xustiza rexeitou a queixa presentada en galego pola Marcha Mundial das Mulleres en relación co asasinato de Isabel Fuentes o 8 de maio de 2015 e ínstaa a que presente o escrito en castelán.
Fonte: Sermos Galiza
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
27 de outubro de 2015
Esta asociación pontevedresa organiza "Falamos galego!", unha iniciativa coa que se busca crear espazos para que a veciñanza practique galego coa axuda dun mestre que resolverá as dúbidas lingüísticas.
Fonte: Consello da Cultura Galega
27 de outubro de 2015
Este pasado domingo 25 de outubro rematou, en Ponteareas, a xira do espectáculo ‘Os Bolechas, na máquina do tempo’ do programa FalaRedes 2015 que, desde a Secretaría Xeral de Política Lingüística, promove a Consellería de Cultura, Educación e Ordenación Universitaria en concellos da Rede de Dinamización Lingüística (RDL) da Xunta de Galicia, coa colaboración das deputacións provinciais da Coruña e de Pontevedra en concellos da súa competencia territorial.
27 de outubro de 2015
Unha proposta apoiada polo ministro de Educación israelí, Naftali Bennett, podería introducir o ensino obrigatorio do árabe nas escolas israelís.
Fonte: Language Magazine
27 de outubro de 2015
A Academia das Ciencias de Lisboa asinou un acordo de cooperación co Pórtico da Lingua Portuguesa para a promoción e enriquecemento do léxico portugués.
26 de outubro de 2015
Tras dous anos de interrupción regresa ás aulas, entre o 26 de outubro e o 22 de decembro, unha nova edición do programa Solaskide de reforzo da oralidade en éuscaro.
Fonte: 20minutos
26 de outubro de 2015
A Sociedade de Falantes de Portugués da Universidade de Cambridge anunciou a creación dunha páxina en portugués dirixida a estudantado e profesorado lusófonos.
Fonte: Notícias ao Minuto
26 de outubro de 2015
Despois de 40 anos de traballo, presentan na Feira do Libro de Carhaix (Bretaña) un dicionario de bretón de 8000 páxinas.
Fonte: France Bleu
26 de outubro de 2015
O secretario xeral de Política Lingüística, Valentín García, mantivo un encontro de traballo coa xunta directiva da Asociación de Empresarios de Ferrolterra e con membros da dirección de Aenor no marco do Plan de dinamización da lingua galega no tecido económico 2015/2020 que está a elaborar a Xunta de Galicia.
Fonte: Xunta de Galicia
26 de outubro de 2015
O xerente do Xacobeo, Rafael Sánchez, recibiu a misión asiática que visita Galicia nestes días no marco dos cursos internacionais que celebra a Universidade de Santiago de Compostela en colaboración con Turismo de Galicia.
Fonte: Xunta de Galicia
Boletín
Subscríbase ao boletín
