O conselleiro de Cultura, Lingua e Xuventude, José López Campos, participou hoxe no Museo do Pobo Galego na presentación do Laboratorio de Cantigas Novas, impulsado polo Concello de Ortigueira, e que puxo en valor pola súa “importante contribución para conservar e protexer este valioso legado que forma parte do patrimonio inmaterial, clave na identidade e cultura galegas”.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
19 de febreiro de 2025
19 de febreiro de 2025
O ministro de Comunidades de Irlanda do Norte, Gordon Lyons, utilizou a lingua de signos na Asemblea de Stormont para presentar a segunda fase do proxecto de Lei da Lingua de Signos. A proposta recoñece e promove tanto a lingua de signos británica como a lingua de signos irlandesa.
Fonte: BBC
18 de febreiro de 2025
A película Emilia Pérez, dirixida por Jacques Audiard, gañou o premio á mellor película en lingua non inglesa na edición dos BAFTA 2025, da Academia Británica de Cinematografía.
Fonte: Swissinfo
18 de febreiro de 2025
O Correllengua Universitari celebrou a súa primeira edición para reivindicar o uso do catalán nas universidades, nun contexto de perda de presenza desta lingua nos graos e mestrados. Percorre catro universidades catalás do 17 ao 20 de febreiro e inclúe actos culturais e a lectura dun manifesto en defensa do catalán como ferramenta de integración.
18 de febreiro de 2025
Está aberta a convocatoria de 2025 da Bolsa Xabier Lete para a creación literaria en éuscaro, impulsada polo Goberno vasco e a Fundación BBVA. Dirixida a escritoras e escritores en proceso de consolidación, ofrece 70 000 euros para dedicarse durante un ano ao seu proxecto co obxectivo de fomentar o talento literario e a creación nesta lingua.
18 de febreiro de 2025
A Deputación da Coruña lanza a primeira edición do Fondo de proxectos singulares en lingua galega, destinado a iniciativas culturais que promovan a mellora social en ámbitos como a igualdade, os dereitos civís, a diversidade, o respecto ao medio ou a memoria democrática, entre outros. Cunha dotación de 300 000 euros, o certame repartirá ata 20 premios de entre 22 500 e 7500 € para cada proxecto seleccionado.
18 de febreiro de 2025
A nova edición do Correlingua terá como lema «A mocidade activa por unha lingua viva» e percorrerá once localidades galegas do 6 ao 29 de maio de 2025. Ademais da tradicional carreira, incluirá unha regueifa colectiva, obradoiros de escrita creativa e dous concursos. Con 25 anos de historia, esta iniciativa busca sensibilizar a infancia e a mocidade sobre a defensa dos dereitos lingüísticos mediante actividades lúdicas e colectivas.
18 de febreiro de 2025
O secretario xeral da Lingua, Valentín García e a directora xeral de Xuventude, Lara Meneses, presentaron hoxe no pazo de San Roque a décimo cuarta edición de Lingua de namorar, o certame en liña que promove entre a mocidade o uso da lingua galega entre a mocidade e en redes sociais a través de mensaxes de amor.
17 de febreiro de 2025
Coincidindo co Día da Música Galesa, lanzouse Awni, unha plataforma en liña que recompila todos os concertos e festivais de música en galés en Gales. O proxecto recibiu financiamento do programa ARFOR que busca apoiar a economía nas comunidades de fala galesa.
17 de febreiro de 2025
Investigadores de Harvard rastrexaron a orixe das linguas indoeuropeas até o pobo Yamna, procedente da rexión do Cáucaso–Baixo Volga. A través da análise de ADN antigo, descubriron que esta poboación, que xurdiu arredor do 3300 a.C., se estendeu desde Hungría até a China occidental, dando lugar a máis de 400 linguas.
Fonte: The Harvard Crimson
Boletín
Subscríbase ao boletín
