Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Desde o sábado 16 de maio ata o martes 30 de xuño de 2015 a Universidade Federal do Paraná, en colaboración co Instituto Cervantes de Curitiba, organiza diversos actos en conmemoración do Día das Letras Galegas, que na presente edición homenaxea a Xosé Fernando Filgueira Valverde. A programación inclúe conferencias, lecturas poéticas, exposicións e actuacións musicais.
Fonte: Instituto Cervantes
O Goberno vasco ofrecerá ensino bilingüe (en éuscaro e castelán) na formación profesional a partir do próximo ano. O obxectivo é continuar promovendo esta lingua e ofrecer ensino bilingüe máis alá da educación secundaria obrigatoria.
Fonte: 20 minutos
Os senadores do estado de Novo México (EUA) defenderán a aprobación dunha lei que garante a protección das linguas nativas mediante a introdución do seu ensino nas escolas.
Fonte: KRQE News
O ministro de Asuntos Exteriores de Portugal, Rui Machete, declarou que a investigación sobre o potencial económico da lingua portuguesa podería contribuír ao seu recoñecemento internacional.
Fonte: TSF
O galardón, convocado pola Comisión de Normalización Lingüística da Facultade de Ciencias da Comunicación, premiará o mellor guión radiofónico dramático en lingua galega.
Fonte: Consello da Cultura Galega
En novembro do pasado ano, a Real Academia Galega solicitoulle ao Congreso dos Deputados que nesta nova lei se incluíse a toponimia tradicional no concepto de patrimonio cultural inmaterial. Finalmente, esta solicitude recóllese de xeito expreso no artigo 2 do título I da lei, publicada no Boletín Oficial do Estado do 27 de maio.
A comedia británica O noso último verán en Escocia estréase en Galicia na súa versión dobrada ao galego, que poderá verse en 14 salas de oito localidades. A Consellería de Cultura, Educación e Ordenación Universitaria –a través da Secretaría Xeral de Política Lingüística e da Axencia Galega das Industrias Culturais (Agadic)–, a Televisión de Galicia e a distribuidora A Contracorriente Films colaboran nesta iniciativa.
O responsable de educación de Jersey prevé a apertura dunha escola bilingüe inglés-francés que fomente os trazos culturais e históricos propios desta illa.
Fonte: BBC
Un acordo asinado coa Federación Portuguesa de Asociacións de Xordos permitirá que as reunións públicas do Goberno Municipal de Lisboa sexan interpretadas á lingua de signos.
Fonte: Notícias ao Minuto
O PSdeG, apoiado polo resto da oposición no Parlamento, presentou esta proposición pola case inexistente presenza do galego na Xustiza.
Fonte: La Opinión
Subscríbase ao boletín
