A Xunta pola Defensa da Lingua Asturiana denunciou o maltrato á lingua propia do Principado durante a xornada electoral, dado que nalgúns lugares as papeletas escritas nesa lingua foron retiradas das mesas.
Fonte: Asturnews
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de maio de 2015
O País vasco foi o país invitado na Semana da Diversidade Cultural e Lingüística do Perú para falar do proceso de recuperación do éuscaro, xa que no Perú tamén hai unha situación de multilingüismo.
Fonte: El Diario
28 de maio de 2015
España e Rusia celebrarán máis de cen actos durante o próximo ano para conmemorar o ano da lingua e a literatura rusa en España e o ano da literatura e a lingua española en Rusia.
Fonte: Sputnik Mundo
28 de maio de 2015
O TERMCAT, a Universidade Politécnica de Cataluña e a Enciclopedia Catalá presentaron o novo dicionario de física en catalán realizado conxuntamente polas tres institucións. No dicionario recóllense máis de 3000 termos desta área do coñecemento.
Fonte: Generalitat de Cataluña
28 de maio de 2015
Durante 2014, o Centro de Terminoloxía do Catalán, TERMCAT, normalizou case 400 termos nun total de 16 sesións que contaron coa presenza de expertos en diferentes campos.
Fonte: Generalitat de Cataluña
27 de maio de 2015
O Instituto Internacional da Lingua Portuguesa (IILP) mostrouse optimista sobre a aplicación do Acordo Ortográfico xa que, en palabras da súa directora executiva, o acordo non está en causa en ningún país da Comunidade de Países de Lingua Portuguesa (CPLP).
Fonte: TVI24
27 de maio de 2015
O Rexistro Nacional de Identificación e Estado Civil do Perú creou o primeiro rexistro civil en liña en dúas linguas: castelán e awajún.
Fonte: Andina
27 de maio de 2015
Este festival, que se celebrará o 18 de xuño no Teatro Jofre, ten como obxectivo fomentar a creatividade e o uso do galego no ámbito do lecer.
Fonte: Consello da Cultura Galega
27 de maio de 2015
O xurado destes galardóns decidiu premiar o xenetista Ángel Carracedo Álvarez, a avogada Consuelo Castro e o historiador e escritor Ricardo Gurriarán polo seu compromiso co fomento e a defensa do galego.
Fonte: Galicia Confidencial
27 de maio de 2015
A localidade Navarra de Sarriguren anunciou a súa nova campaña de promoción do éuscaro entre os nenos, que consistirá en campamentos urbanos de verán desenvolvidos nesta lingua.
Fonte: Sarriguren web
Boletín
Subscríbase ao boletín
