A tese sinala que as lesións cerebrais que ocasionan a perda ou trastornos na fala non afectan do mesmo xeito aos individuos bilingües.
Fonte: Noticias de Álava
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de agosto de 2015
28 de agosto de 2015
O Centro Interdisciplinario de Documentación Lingüística e Social (CIDLeS) está a buscar financiamento para un proxecto de recuperación do minderico, lingua secreta usada por fabricantes e vendedores de cobertores da vila portuguesa de Minde e que hoxe conta aínda con 150 falantes activos.
Fonte: Notícias ao Minuto
28 de agosto de 2015
A Universidade de California, en Berkeley (EUA), ofertará por primeira vez un curso regular de lingua islandesa co obxectivo de achegar o alumnado estadounidense á lingua e cultura deste estado insular europeo.
Fonte: UC Berkeley
28 de agosto de 2015
Un estudo recente revela que a maior parte das cadeas de supermercados que operan no País de Gales non mostra interese por empregar carteis bilingües galés-inglés.
Fonte: Wales Online
28 de agosto de 2015
A Xunta pola Defensa da Lingua Asturiana (XDLA) envioulles unha carta ás novas televisións locais para explicarlles o éxito que a programación en asturiano está a ter noutras canles, entre elas a televisión pública do Principado.
Fonte: Asturies.com
27 de agosto de 2015
O Consello Navarro do Éuscaro elaborará un plan estratéxico para a promoción e a normalización da lingua vasca.
Fonte: Diario de Navarra
27 de agosto de 2015
A organización Iniciativa polo Asturiano é a responsable deste proxecto co que tamén se pretende organizar cursos doutras materias co asturiano como lingua vehicular.
Fonte: Asturies.com
27 de agosto de 2015
Ante as críticas recibidas pola difusión dun cartel promocional en español da Feira do Moble da Estrada, desde a organización explicaron que se debeu a un erro debido, posiblemente, á instalación de materiais destinados a localidades de fóra de Galicia.
Fonte: La Voz de Galicia
26 de agosto de 2015
Segundo os organizadores, o grande éxito de participación que rexistrou a 41 edición da Escola Occitana de Verán, celebrada na localidade aquitana de Villeneuve-sur-Lot, é mostra do crecente interese pola lingua occitana en Francia.
Fonte: Jornalet
26 de agosto de 2015
Con motivo do 40 aniversario da independencia de Angola, o goberno da provincia angolana de Huíla organizará na cidade de Lubango o primeiro seminario científico sobre a situación da lingua portuguesa en Angola.
Fonte: Agência Angola Press
Boletín
Subscríbase ao boletín
