A Comunidade Valenciana engadirá un novo requisito para os profesores que impartan materias en inglés, máis alá do certificado de coñecemento do idioma e que consistirá na realización dun curso sobre métodos pedagóxicos.
Fonte: Las Provincias
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
14 de maio de 2015
A Generalitat de Cataluña asinou un acordo cos colexios xurídicos do ámbito da Xustiza para continuar co fomento da lingua catalá neste eido.
Fonte: Generalitat de Cataluña
14 de maio de 2015
O xornalista Damián Barreiro defendeu a creación dunha industria de tradución de debuxos animados ao asturiano co obxectivo de transmitir a lingua propia e crear empregos.
Fonte: 20 minutos
14 de maio de 2015
O programa Voluntariado pola Lingua da Generalitat de Cataluña ten por obxectivo permitirlles ás persoas que o desexen practicar a lingua catalá en contextos reais. No ano 2014, contou con 10 189 parellas lingüísticas.
Fonte: Generalitat de Cataluña
13 de maio de 2015
Un estudo realizado na Universidade de Chicago (EUA) revela que os nenos expostos a diferentes linguas desenvolven mellor as súas habilidades de comprensión e comunicación.
Fonte: Medicalxpress
13 de maio de 2015
A ferramenta de tradución en tempo real de Skype está agora dispoñible para todas aquelas persoas que queiran descargala. Anteriormente estaba restrinxida a un grupo de usuarios.
Fonte: Gizmodo
13 de maio de 2015
O Tribunal Supremo avala a decisión do Tribunal Superior de Xustiza de Cataluña pola que a porcentaxe de clases que se deben impartir en lingua castelá nos centros educativos da comunidade sexa do 25 %, co que se inclúe unha materia troncal ademais da de Lingua Castelá.
Fonte: El Mundo
13 de maio de 2015
A Asociación Somescola, que agrupa a sindicatos e entidades educativas, denunciou ataques do Goberno central ao modelo de inmersión en catalán nos colexios, a pesar dos bos resultados que sempre obtivo.
Fonte: ABC
13 de maio de 2015
Un investigador guipuscoano desenvolveu unha aplicación para móbil que permite traducir texto escrito, audio e imaxes á maiorías das linguas da península, en concreto, a castelán, portugués, galego, catalán, éuscaro, occitano, asturiano e aragonés.
Fonte: EITB
13 de maio de 2015
Os concellos vascos de Zumarraga e Urretxu van organizar colonias de verán que acollerán ata a 300 nenos co obxectivo de fomentar o uso do éuscaro entre eles.
Fonte: Diario Vasco
Boletín
Subscríbase ao boletín
