Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
As Consellerías de Cultura, Educación e Ordenación Universitaria e a de Traballo e Benestar, por medio da Secretaría Xeral de Política Lingüística e da Dirección Xeral de Xuventude e Voluntariado, respectivamente, fixeron pública a resolución da terceira edición do certame de declaracións de amor na rede "Lingua de namorar", cuxos seis premios recaeron en seis mozas.
Fonte: Xunta de Galicia
A Casa-Museo de Rosalía de Castro de Padrón acolleu a entrega dos III Premios a curtas de animación en galego “Nós tamén creamos!” convocados pola Consellería de Cultura, Educación e Ordenación Universitaria coa colaboración da Compañía de Radio-Televisión de Galicia (CRTVG) e con OQOeditora.
Fonte: Xunta de Galicia
O certame ten dúas modalidades (narrativa e poesía) e en cada unha hai tres categorías, segundo a idade dos participantes.
Fonte: Consello da Cultura Galega
A nova medida do consistorio navarro de Baztán de incluír o éuscaro nas facturas emitidas polas empresas para promover o uso desta lingua non foi ben acollida por algúns concelleiros da corporación, que a consideran unha imposición.
Fonte: Diario de Navarra
A organización Acción Cultural do País Valenciano solicitou mediante un documento con propostas de mellora a igualdade lingüística entre valenciano e castelán na Comunidade.
Fonte: La Vanguardia
O Ministerio de Educación e Ciencia portugués esixiralles aos docentes de inglés que se sometan a unha proba de nivel para poder corrixir os exames do terceiro ciclo do ensino básico.
Fonte: Público
A europarlamentaria irlandesa Liadh Ní Riada falará durante dúas semanas só en irlandés para denunciar a situación de discriminación que vive a súa lingua nas institucións europeas.
Fonte: Sermos Galiza
O certame está organizado polo Equipo de Dinamización da Lingua da Escola Oficial de Idiomas de Pontevedra, en colaboración co Servizo de Normalización Lingüística do Concello desta localidade.
Fonte: Consello da Cultura Galega
Este premio ten como obxectivos fomentar a reflexión sobre a situación do galego na actualidade e crear espazos nos xornais para promover o seu emprego e o seu prestixio. A persoa gañadora recibirá un premio de 1000 euros, ademais da publicación do artigo. O prazo de presentación dos textos finaliza o 15 de abril de 2015.
Fonte: Consello da Cultura Galega
As comisións de normalización lingüística premian a calidade lingüística de traballos de fin de grao, carreira ou mestrado ou un traballo de investigación para unha materia.
Subscríbase ao boletín
