A profesora da Universidade brasileira de Cruzeiro do Sul, en São Paulo, Ana Elvira Gebara, declarou que a falta de políticas públicas para preservar os idiomas e os trazos culturais das súas comunidades poden provocar a extinción das linguas indíxenas brasileiras. No Brasil, o idioma oficial é o portugués, mais existen na actualidade máis de 230 linguas. Dese total, 200 son de tribos indíxenas e 30 de descendentes de inmigrantes.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
02 de decembro de 2014
02 de decembro de 2014
A Academia Valenciana da Lingua reclamou, coincidindo co aniversario do peche de Radiotelevisión Valenciana, medios públicos “en valenciano e de calidade” e mostrou a súa solidariedade cos traballadores que perderon os seus postos de traballo e coas empresas do sector audiovisual que se viron afectadas ou desapareceron.
Fonte: 20 minutos
01 de decembro de 2014
Un estudo mostra que o sistema educativo británico non apoia as linguas nativas diferentes do inglés
Un estudo realizado no Reino Unido mostrou que, malia que case un de cada cinco estudantes de primaria en Inglaterra ten como primeira lingua un idioma diferente ao inglés, o sistema de avaliación do ensino non apoia as habilidades lingüísticas da maioría destes estudantes. Só un terzo dese alumnado recibe formación na súa lingua materna.
Fonte: The Guardian
01 de decembro de 2014
O colexio estradense do Foxo presentou a II Campaña de etiquetaxe en lingua galega "Bicos a moreas". Os escolares deseñaron 99 etiquetas e distribuiranse 15 000 unidades para acompañar compras no comercio local.
Fonte: Faro de Vigo
01 de decembro de 2014
Ao chamado da décima edición dos Premios á calidade lingüística presentáronse cinco traballos académicos de curso, 73 traballos de fin de grao (TFG) ou proxectos de fin de carreira (PFC) e 42 de fin de mestrado (TFM).
Fonte: Santiago de Compostela
01 de decembro de 2014
A Consellería de Cultura, Educación e Ordenación Universitaria celebrou en Santiago de Compostela o seminario internacional ‘A lingua portuguesa e os negocios nos países lusófonos’, co que se pon o broche final ao proxecto transnacional EMPORT liderado polo departamento educativo da Xunta de Galicia para favorecer o acceso das nosas empresas aos países lusófonos.
Fonte: Xunta de Galicia
01 de decembro de 2014
O delegado do Goberno no País Vasco, Carlos Urquijo, anunciou a interposición dun recurso contra a decisión da Deputación de Guipúscoa de colocar sinais na rede viaria co rótulo “Euskal Herria. Basque Country” porque “incumpre” a Lei de normalización do éuscaro.
Fonte: ABC
01 de decembro de 2014
O pleno do Parlamento de Navarra aprobou a toma en consideración da proposición de lei presentada polo PSN, Esquerda-Exkerra e Geroa Bai para modificar a Lei do éuscaro co fin de atender o ensino nesta lingua tamén na zona non vascófona en función da demanda.
Fonte: El Diario
28 de novembro de 2014
O pobo mapoio e a súa lingua convertéronse en Patrimonio Cultural Inmaterial da Humanidade da Organización das Nacións Unidas para a Educación, a Ciencia e a Cultura (Unesco, polas súas siglas en inglés) na lista de salvagarda urxente.
Fonte: Telesur
28 de novembro de 2014
Os estudantes de diferentes anos escolares e idades da escola Silva Gaio de Coímbra (Portugal) poderán estudar a partir de agora chinés mandarín como actividade curricular, anunciou á axencia Lusa a directora adxunta do centro, Manuela Carvalho.
Fonte: Boas Notícias
Boletín
Subscríbase ao boletín
