Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
As direccións alfandegueiras da Comunidade de Países de Lingua Portuguesa (CPLP) queren que o portugués sexa un dos idiomas oficiais da Organización Mundial das Alfándegas (OMA), declarou á axencia Lusa en Luanda o secretario xeral do grupo lusófono.
Fonte: Sapo
A Coordinadora de Traballadores/as de Normalización da Lingua convoca unha nova edición do obradoiro de creación de vídeos básicos, que terá lugar en novembro combinando sesións presenciais e sesións en liña.
Fonte: CTNL
O CEIP Abelendo de Moaña deu comezo ás actividades do Samaín. Están organizadas pola biblioteca do centro e o Equipo de Dinamización Lingüística, pois teñen como obxectivo potenciar a oralidade na lingua propia de Galicia.
Fonte: Faro de Vigo
A Coordinadora Galega de Equipos de Normalización e Dinamización Lingüística (CGENDL) súmase á celebración do V Día da Ciencia en Galego organizando unha videoconferencia que leva por título “A ciencia da programación de ordenadores (tamén en galego)”, dirixida ao alumnado de 2º ciclo da ESO e Bacharelato.
Fonte: Consello da Cultura Galega
En Ourense, das 348 rúas con nome de persoa só 56 son femininos, o 16 % do total, unha desigualdade que se repite en todos os concellos de Galicia.
Fonte: Universidade de Vigo
A Consellería de Cultura, Educación e Ordenación Universitaria apoiará a difusión da figura e da obra de Francisco Luis Bernárdez para dar a coñecer a súa contribución á cultura galega.
Fonte: Xunta de Galicia
O goberno municipal elaborará o próximo Plan xeral do éuscaro 2015-2019 mediante un proceso participativo no que «todos os donostiarras terán a oportunidade de facer as súas achegas», segundo informou a responsable do departamento, Nerea Txapartegi. Os retos que se marca o plan serán «avanzar na normalización» do éuscaro na cidade e conseguir a «recuperación total» da lingua vasca.
Fonte: Diario Vasco
“Catalanidade, innovación e proximidade”. Son os tres valores sobre os que se apoiará Parlem, un novo operador móbil virtual que empezará a funcionar en novembro só en Cataluña. O seu obxectivo é converterse na cuarta operadora da rexión en tan só cinco anos, ser un referente, e para iso utilizará o catalán como lingua habitual na súa comunicación cos clientes e na representación institucional.
Fonte: El Boletín
A Cámara de Comercio de Santiago de Compostela celebra o martes 28 unha xornada de balde sobre o prestixio e as posibilidades comerciais e comunicacionais que se abren co dominio de internet propiamente galego.
Fonte: Código Cero
Máis de trescentos participantes e moitos máis curiosos e espectadores uníronse na praza Maior de Oion para participar na xornada reivindicativa a favor do éuscaro Euskaraz bizi nahi dut, que contou cunha carreira popular como acto máis destacado.
Fonte: Noticias de Álava
Subscríbase ao boletín
