Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Instituto Galego de Estatística (IGE) vén de publicar a Estatística sobre os nomes máis frecuentes da poboación, a través da cal se pode, por primeira vez, coñecer a evolución histórica dos nomes en función da localidade, o xénero ou a década (dende antes de 1930 ata a década actual).
Fonte: Xunta de Galicia
A ferramenta Business in Catalan está destinada ao mercado internacional e pretende dar a coñecer o alcance da lingua catalá e as leis que a regulan.
Fonte: Generalitat de Cataluña
O Concello de Hondarribia anunciou un incremento do 4,5 % no orzamento destinado á área de éuscaro, que contará este ano con 650 031 euros.
Fonte: Noticias de Empresas
Un informe presentado polo Goberno de Escocia recomenda que en 2020 todos os alumnos do ensino primario aprendan tres linguas.
Fonte: Evening Express
A presidenta do Instituto Camões, Ana Paula Laborinho, anunciou a posibilidade de crear unha cátedra de lingua portuguesa na Universidade de Goa (India).
Fonte: Público
A compañía aérea Air Canada aplicou ata agora só unha das doce recomendacións presentadas polo comisario de Linguas Oficiais en 2011 sobre o uso do inglés e o francés.
Fonte: The Star
O presidente da Asemblea Nacional de Angola quere que a constitución do país se divulgue nas linguas nacionais.
Fonte: ANGOP
A webserie, que leva por título Mírame cuando te hablo, está producida pola asociación Idendeaf para persoas xordas. A primeira tempada conseguiu en YouTube máis de 100 000 reproducións.
Fonte: El Correo Gallego
A convocatoria, promovida pola Escola Galega de Administración Pública, inclúe varios cursos de temática lingüística.
Fonte: Consello da Cultura Galega
O Departamento de Política Lingüística do Goberno Vasco reclamoulle á Unión Europea que o éuscaro e outras linguas minoritarias sexan consideradas oficiais nesta institución.
Fonte: El País
Subscríbase ao boletín
