Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Instituto Internacional da Lingua Portuguesa (IILP) fará un "esforzo especial" por acadar a "integración efectiva" do portugués na Guinea Ecuatorial, anunciou a nova directora executiva deste organismo da Comunidade de Países de Lingua Portuguesa (CPLP).
Fonte: Sapo
A rede pública de radiodifusión alemá Deutsche Welle (DW) anunciou que vai manter as emisións en portugués para África, ao contrario do que dixera no inicio do ano. "A nova programación céntrase na información de actualidade para os cinco países lusófonos en África: Angola, Mozambique, Guinea-Bisau, Cabo Verde e San Tomé e Príncipe", afirmou nun comunicado a directora de programas da DW, Gerda Meuer.
Fonte: Sapo Notícias
Escola Valenciana denuncia que a Consellería de Educación "marxina" o valenciano no sistema educativo en Primaria, ao permitir que se poidan impartir máis horas en castelán "mesmo na liña en valenciano".
Fonte: La Vanguardia
A directora do Centro de Estudos Galegos da Universidade rusa de San Petersburgo, Elena Zernova, presentou unha antoloxía literaria que recolle en 19 volumes, traducidos do galego ao ruso, a traxectoria da literatura galega.
Fonte: La Región
O voceiro de Izquierda-Ezkerra, José Miguel Nuin, explicou que varios grupos da oposición finalizarán o traballo de elaboración dunha modificación da Lei foral do éuscaro para implantar o modelo D nos lugares de Navarra nos que haxa demanda.
Fonte: Diario de Navarra
A Xunta de Galicia deu conta do cumprimento da Carta Europea das Linguas Rexionais e Minoritarias (CELRM) no relativo á promoción do uso da lingua galega.
Fonte: Xunta de Galicia
A nova directora do Instituto Internacional da Lingua Portuguesa (IILP) defendeu que o acordo ortográfico será aplicado en todos os estados da Comunidade de Países de Lingua Portuguesa (CPLP), admitindo que cada un ten un ritmo propio. Angola e Mozambique son os únicos, entre os oito estados da CPLP, que aínda non ratificaron o novo acordo ortográfico.
Fonte: Jornali
O presidente ucraíno, Petro Poroshenko, suxeriu que as clases de inglés deberían substituír as de ruso para mellorar o nivel de vida do país. "Hai unha ligazón entre o nivel de vida das persoas e o de coñecemento da lingua inglesa. Cantos máis ucraínos falen inglés, mellor será Ucraína", sustentou.
Fonte: Notícias ao Minuto
Logroño, Nájera, Haro e Alfaro contan ou contarán con cursos de formación en lingua vasca.
Fonte: Noticias de Álava
A lingua galega ten percorrido en internet. Cada vez son máis os usuarios que empregan esta plataforma para verter as súas ideas, inquedanzas ou ben para relacionarse nun universo cada vez máis global. O galego está vivo na rede. De feito, é unha das 26 linguas máis empregadas nas redes sociais entre máis de 6000 idiomas censados. Fonte: La Voz de Galicia
Subscríbase ao boletín
