O viceconselleiro vasco de Política Lingüística, Patxi Baztarrika, anunciou que o Goberno vasco vai implantar o modelo B e impulsar o modelo D, a oferta educativa en éuscaro, na Formación Profesional (FP).
Fonte: Europa Press
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
06 de outubro de 2014
06 de outubro de 2014
O diario El País estrea edición dixital en catalán (elpais.cat), o que supón unha aposta por esta lingua deste medio que xa contaba con información en catalán na súa edición en papel.
Fonte: Generalitat de Catalunya
06 de outubro de 2014
Para poder facer unha análise íntegra do sexismo lingüístico cómpre ter en conta tanto o sexismo directo como o indirecto, toda unha serie de prácticas moi sutís e non sempre doadas de detectar que, debido a isto precisamente, se seguen estendendo e dificultan o camiño para chegar a acadar un imaxinario colectivo moito máis igualitario.
Fonte: Universidade de Vigo
03 de outubro de 2014
O hospital Ysbyty Cwm Rhondda designou unha sala específica para ofrecer asistencia médica aos pacientes que queiran expresarse en lingua galesa. Trátase dunha medida dun proxecto piloto que se está a aplicar no val de Rhondda, no sur de Gales.
Fonte: Wales Online
03 de outubro de 2014
A aposta polo turismo e o ensino do portugués son dúas maneiras de afondar as “sólidas relacións” entre Portugal e Tunisia, afirmou o secretario de Estado de Asuntos Exteriores tunisiano. No ámbito estritamente lingüístico, o Goberno do país africano declarou que pretende introducir o ensino do portugués na educación secundaria.
Fonte: Mundo Português
03 de outubro de 2014
A Confederación de Anpas Galegas pídelle á Xunta que consiga un acordo como o pactado entre o Goberno central e o vasco de interpretación da Lomce, que permite "regular integramente o ensino da lingua propia".
Fonte: El Correo Gallego
03 de outubro de 2014
A escola Ysgol Gymraeg Aberystwyth, o primeiro centro de ensino en lingua galesa do País de Gales, celebrou o seu 75 aniversario. Moitos dos seus primeiros estudantes e algúns profesores e directores estiveron presentes nos actos para conmemorar tal acontecemento histórico.
Fonte: Cambrian News
03 de outubro de 2014
A Consellería de Cultura, Educación e Ordenación Universitaria, representada no secretario xeral de Política Lingüística, Valentín García, participou no acto no que se deu a coñecer a obra gañadora da pasada edición do Premio Ramón Piñeiro de Ensaio: Da natureza de escritores, artistas e vermes, de José María Durán Medraño, celebrado na Libraría compostelá Pedreira.
Fonte: Xunta de Galicia
03 de outubro de 2014
A lingua portuguesa é a quinta máis usada en internet, nunha lista das dez máis empregadas divulgada pola empresa estatística Internet World Stats. A lingua inglesa continúa no primeiro lugar e o chinés ocupa a segunda posición mais con menor distancia respecto á última avaliación. Na terceira e cuarta posicións están o español e o árabe. Esta última protagonizou o maior incremento desde o ano 2000.
Fonte: Público
03 de outubro de 2014
A aplicación para móbiles das Guías de Conversación Universitaria incorporou dos idiomas máis, o ruso e o chinés. Esta ferramenta foi creada pola Secretaría de Universidades e Investigación da Generalitat en colaboración coa Universidade de Barcelona para facilitar a estancia en Cataluña dos estudantes universitarios que veñen do estranxeiro e a dos cataláns que van formarse no estranxeiro.
Boletín
Subscríbase ao boletín
