Tres concellos da provincia da Coruña adscritos á Rede de Dinamización Lingüística (RDL) da Xunta de Galicia recibirán esta semana a visita de dúas propostas de lecer en galego do FalaRedes 2014.
Fonte: Xunta de Galicia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de outubro de 2014
09 de outubro de 2014
O Congreso rexeitou unha iniciativa da Esquerda Plural, apoiada por CiU e PSOE, encamiñada a pedirlle ao Goberno que retire o real decreto que regula a escolarización en lingua castelá en Cataluña de acordo coa Lei orgánica para a mellora da calidade educativa (Lomce).
Fonte: La Vanguardia
09 de outubro de 2014
A Asociación de Alumnos da Escola Oficial de Idiomas de Ponferrada e o colectivo cultural Fala Ceibe do Bierzo manifestaron o seu malestar polo peche dos primeiros cursos de galego e portugués antes de finalizar o prazo de matrícula.
Fonte: Bierzo Diario
08 de outubro de 2014
O British Council, a organización internacional do Reino Unido para a promoción cultural e as oportunidades do ensino, lanzou unha nova plataforma en liña de aprendizaxe da lingua inglesa desenvolvida por CTI Digital e baseada no programa libre Drupal.
Fonte: The Drum
08 de outubro de 2014
A prensa surcoreana anunciou que os seus veciños do norte están considerando a hipótese de converter as linguas rusa e inglesa en materias obrigatorias nas institucións de ensino superior do país. Esta iniciativa mostra que as autoridades de Pyongyang están cada vez máis dispostas a promover a aprendizaxe de idiomas estranxeiros como parte do seu novo programa nacional de ensino.
Fonte: Diário da Rússia
08 de outubro de 2014
O presidente da Xunta de Galicia anunciou que o próximo curso comezará a introdución en Galicia do Bacharelato plurilingüe nos primeiros institutos.
Fonte: El Progreso
08 de outubro de 2014
Cando aínda non pasaron quince días desde a anulación do Decreto sobre o Tratamento Integrado de Linguas e da suspensión da súa Orde de desenvolvemento por parte do Tribunal Superior de Xustiza de Baleares, xa son 52 os centros das illas Baleares que refixeron os seus proxectos lingüísticos co fin de adecualos ao Decreto de Mínimos.
Fonte: Mallorca Confidencial
08 de outubro de 2014
O Servizo de Normalización Lingüística da Universidade da Coruña (UDC), en colaboración cos servizos de normalización das universidades de Santiago e Vigo, convocan o Premio Luísa Villalta para o fomento do galego.
Fonte: Galicia Hoxe
08 de outubro de 2014
A Academia Valenciana da Lingua (AVL) instou a Consellería de Educación a suprimir do decreto que introduce o plurilingüismo no ensino a consulta aos pais dos alumnos sobre a preferencia do programa lingüístico de cada centro docente.
Fonte: Levante-EMV
08 de outubro de 2014
A Institución Galega de Ciencia (Igaciencia) convida a comunidade educativa festexar o vindeiro 4 de novembro o V Día da Ciencia en Galego, que nesta edición estará dedicado á Física e a reivindicar o dereito a impartir Física en galego.
Fonte: Consello da Cultura Galega
Boletín
Subscríbase ao boletín
