Esta campaña para fomentar o emprego do galego nos centros de beleza ten como lema 'O galego é a túa imaxe'.
Fonte: El Progreso
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
16 de xaneiro de 2015
16 de xaneiro de 2015
O III Congreso das Linguas Indíxenas de Chile terá a Euskadi e o éuscaro como país e lingua convidados.
Fonte: 20 minutos
16 de xaneiro de 2015
O 10 % dos abonados a CANAL + en Cataluña usa o servizo de subtítulos en catalán, froito dun acordo cuxa finalidade é aumentar a oferta de cine con subtítulos nesta lingua.
Fonte: Generalitat de Cataluña
15 de xaneiro de 2015
Un total de 22 representantes dos 55 docentes que interveñen este curso na segunda edición do proxecto de dinamización lingüística Dragal participa no encontro organizado pola Consellería de Cultura e Educación.
Fonte: Xunta de Galicia
15 de xaneiro de 2015
A Consellería de Cultura, Educación e Ordenación Universitaria difundiu tres convocatorias que servirán para apoiar o labor dos equipos de dinamización da lingua galega dos centros educativos da Comunidade.
Fonte: Xunta de Galicia
15 de xaneiro de 2015
A Federación Portuguesa de Fútbol viuse obrigada a aceptar a supresión do portugués do sitio da FIFA. O presidente da federación, Fernando Gomes, lembra que o portugués non está entre as linguas oficiais do máximo organismo do fútbol mundial.
Fonte: Sapo
15 de xaneiro de 2015
O grupo editorial portugués LeYa lanzou a primeira aplicación dedicada exclusivamente a admiradores de escritores de lingua portuguesa. A ferramenta, que estará dispoñible en iPhone, iPad e Android, permitirá o acceso á biografía, á obra e a contidos audiovisuais sobre autores en lingua portuguesa publicados por este grupo editorial.
Fonte: Diário Digital
15 de xaneiro de 2015
O manual Na universidade en galego sen dúbida é un novo recurso didáctico para a aprendizaxe da lingua galega elaborado ao abeiro do convenio de colaboración en materia de normalización lingüística que asina cada ano a Universidade de Vigo coa Consellería de Cultura, Educación e Ordenación Universitaria.
Fonte: Universidade de Vigo
15 de xaneiro de 2015
Durante a Segunda Guerra Mundial, o éuscaro foi un dos idiomas escollidos como código de comunicación de guerra por parte do Exército americano para enganar o seu inimigo xaponés.
Fonte: EiTB
15 de xaneiro de 2015
O teléfono 016 xa é accesible para mulleres maltratadas con discapacidade auditiva, a través dunha plataforma de videointerpretación en lingua de signos. Durante a presentación deste novo servizo, a secretaria de Estado de Servizos Sociais e Igualdade, Susana Camarero, destacou que son maiores as trabas coas que as que se enfrontan as maltratadas con discapacidade para romper o círculo da violencia de xénero.
Fonte: RTVE
Boletín
Subscríbase ao boletín
