Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O conselleiro de Cultura, Educación e Ordenación Universitaria da Xunta de Galicia, Xesús Vázquez Abad, visitou na Casa da Xuventude de Ourense, a mostra “Nimbos de luz”, promovida pola Xunta de Galicia en colaboración coa Editorial Galaxia co gallo das Letras Galegas 2014, dedicadas a Xosé María Díaz Castro.
Fonte: Xunta de Galicia
A Xunta pola Defensa da Lingua Asturiana acaba de anunciar que enviará á RTPA e á Oficina de Política Lingüística do Principado un decálogo que axude a unificar criterios a todas as partes implicadas no proceso de dobraxe, ademais de aos grupos políticos. Despois da emisión de dúas longametraxes e dunha serie infantil dobrada ao asturiano na Televisión do Principado de Asturias, a Xunta pola Defensa da Lingua Asturiana quere iniciar o proceso a través da publicación do documento Decálogo sobre a dobraxe asturiana.
O Vocabulario do Portugués Medieval. Así se chama un estudo en dous volumes con preto de 170 000 palabras usadas nos actuais territorios de Portugal e Galicia na Idade Media que acaba de ser publicado en Río de Janeiro tras 35 anos de investigación.
Fonte: Galicia Confidencial
Os membros do Comité de Educación do Parlamento de Finlandia debaterán a proposta presentada por un cidadán para que o sueco, a segunda lingua oficial do país, se converta nunha lingua opcional nas escolas públicas. Os defensores da iniciativa consideran que a obrigatoriedade de aprender sueco impide que o alumnado poida escoller outras linguas estranxeiras.
Fonte: Uutiset
O Servizo de Normalización Lingüística do Concello de Pontevedra presenta unha nova edición da campaña Proba en Galego, unha iniciativa deseñada para promover o uso do galego no ámbito do comercio e da pequena empresa, como marca de identidade, calidade e proximidade.
Fonte: Consello da Cultura Galega
Cando se trata de aprender un idioma a práctica é fundamental e por iso nace o novo Mintzalaguna: unha iniciativa co valor engadido de pór en práctica o aprendido de forma natural e gratuíta unha vez por semana durante unha hora, cun grupo de interlocutores e a axuda dun falante euscaldún zaharra.
Fonte: Diario Vasco
Nunha nota de prensa, a Asociación de Mestres e Mestras de aragonés lembra que desde a entrada do actual executivo no Goberno de Aragón, as actividades de formación en centros de profesores ás que podían acceder os docentes de lingua aragonesa sufriron un empeoramento nas súas condicións así como na calidade dos seus contidos.
Fonte: AraInfo
A Consellería de Cultura e Educación, representada no secretario xeral de Política Lingüística, Valentín García, deu a coñecer as bases das terceiras edicións de dous premios: o Premio de Ensaio Subversivo “Guillermo Domínguez” e o Certame de Banda Deseñada “AXI”.
Fonte: Xunta de Galicia
O Servizo de Normalización Lingüística do Concello de Ames organiza, coa colaboración dos equipos de dinamización lingüística dos IES do municipio, o IV Concurso Radiofónico de Teatro Lido Desata a Lingua!!, co obxectivo de dinamizar o uso oral e escrito do galego entre a mocidade de xeito lúdico e creativo.
Fonte: Consello da Cultura Galega
O arcebispo de Goa e Damán, na India, declarou en Fátima que se está a incrementar o interese pola cultura e a lingua portuguesas nesta antiga colonia de Portugal, despois dun período en que existía unha “actitude hostil”.
Fonte: Jornali
Subscríbase ao boletín
