Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Consellería de Cultura, Educación e Ordenación Universitaria valora positivamente a información do Instituto Nacional de Estatística (INE) relativa á lingua galega que publica o Instituto Galego de Estatística (IGE) no seu web www.ige.eu. Trátase de datos sobre coñecemento e uso do galego extraídos do Censo de Poboación e Vivendas do INE, que revela que un 89,1 % da poboación usa o galego en maior ou menor medida na súa vida diaria.
Fonte: Xunta de Galicia
Android 5.0 Lollipop incorpora quince novas linguas entre as que figuran o éuscaro e o galego, o que permitirá que poidamos gozar dun inmenso número de smartphones en galego e facilitará que as aplicacións móbiles poidan presentárselle ao usuario nesta lingua.
Fonte: Código Cero
A Asociación Alexandre Bóveda e a Deputación da Coruña asinaron un acordo para desenvolver un proxecto para recuperar e divulgar a toponimia da cidade e da súa comarca.
Fonte: La Opinión
O Goberno catalán aprobou a subscrición dun convenio de colaboración entre a Consellería de Cultura da Generalitat e o Municipio de Alguer para levar a cabo unha enquisa sobre o uso social do catalán neste territorio.
Fonte: El Periódico
A comezos do seu mandato, o Goberno vasco anunciou que elaboraría un total de 14 plans estratéxicos para a presente lexislatura. A Axenda estratéxica do éuscaro é un deles, e recolle as principais accións e actuacións que leva e levará a cabo o Goberno vasco en materia de revitalización do éuscaro. Levar esta Axenda á práctica é responsabilidade de todos os departamentos do Goberno vasco.
Fonte: Euskadi.net
Segundo un estudo publicado pola Royal Society de Londres, as linguas mudan co paso do tempo e a ritmos diferentes. Os científicos descubriron ademais que algunhas reflicten os cambios no mundo que as rodea e que neste proceso inflúen factores universais e históricos.
Fonte: Physics Central
O Goberno da Unión de Myanmar destinará unha axuda económica a docentes de linguas minoritarias que constituirá, segundo os líderes locais, un importante incentivo para as culturas e dereitos das minorías étnicas do país.
Fonte: The Irrawaddy
O dicionario da Real Academia Galega, na súa versión en liña, está a recoller numerosas voces actualizadas que afectan especialmente ao léxico tecnolóxico que tanto se emprega no día a día.
Fonte: Código Cero
O galego estréase no Festival de Poesía das Américas (The Americas Poetry Festival) que nesta ocasión se presenta cun formato plurilingüe no que está incluída Galicia.
Fonte: ABC
A Consellería de Cultura, Educación e Ordenación Universitaria, representada no seu secretario xeral de Política Lingüística, Valentín García, participou no acto de presentación do libro-disco Cantos de sol a sol.
Fonte: Xunta de Galicia
Subscríbase ao boletín
