Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Concertos multilingües en Zagreb e Vilnius, unha exposición en París sobre a tradución da Odisea de Homero e minicursos de linguas nas bibliotecas berlinesas son algunhas das iniciativas programadas para celebrar a nova edición do Día Europeo das Linguas.
Fonte: West
A Unión Democrática Maxiar de Romanía (UDMR, principal partido da comunidade húngara de Transilvania) propuxo a creación dun consello e un goberno propios co húngaro e o romanés como linguas oficiais. Porén, o primeiro ministro de Romanía declarou que non está a favor "de ningún tipo de autonomía" territorial no país.
Fonte: Nationalia
O secretario xeral de Política Lingüística da Consellería de Cultura, Educación e Ordenación Universitaria, Valentín García, mantivo en Santiago unha reunión de traballo co seu homólogo vasco, Patxi Baztarrika, para abordar cuestións relativas ao vindeiro informe de avaliación da Carta Europea das Linguas Rexionais ou Minoritarias (CELRM), tratado internacional aprobado polo Consello de Europa no ano 1992 e ratificado polo Goberno español en 2001 para favorecer o uso das linguas cooficiais.
Segundo fixeron saber os responsables da posta en marcha do Kit para a Normalización, trátase “dun recurso pensado para facilitar o traballo das persoas que están a participar na normalización do galego, especialmente das que realizan o seu labor desde os concellos de Galicia”.
Fonte: Código Cero
As propostas de lecer infantís “As fabas máxicas” e “Os Bolechas e o Sabichón” despiden en nove concellos da Coruña as súas exitosas xiras no marco do FalaRedes 2014, o programa de fomento do galego promovido pola Consellería de Cultura, Educación e Ordenación Universitaria por medio da Secretaría Xeral de Política Lingüística co que visitaron un total de 85 vilas de toda Galicia.
Fonte: Xunta de Galicia
O proxecto de orzamento da Cámara Alta, que será aprobado no Consello de Ministros, reduce o importe desta partida un 5,7 % con respecto ao exercicio anterior.
Fonte: Voz Pópuli
Un toque feminino de tres enormes mulleres vascas que, “aínda que elas non o crean, se parecen”, explica tras a presentación da película no festival un dos codirectores do filme, Jon Garaño, que xunto a Jose Mari Goneaga conseguiron que este certame seleccione por primeira vez unha película rodada en éuscaro na competición pola Concha de Ouro.
Fonte: 20 Minutos
A deputada de Alternativa Galega de Esquerda, Lidia Senra, tivo que empregar o castelán na Comisión de Agricultura da Eurocámara para que se recollese na acta a súa intervención.
Fonte: La Voz de Galicia
O secretario xeral de Política Lingüística da Consellería de Cultura e Educación, Valentín García Gómez, asistiu á inauguración da XVI edición dos Encontros para a Normalización Lingüística que, como cada ano, organiza o Centro de Documentación Sociolingüística do Consello da Cultura Galega (CCG).
Fonte: Xunta de Galicia
A Consellería de Cultura, Educación e Ordenación Universitaria xunto ao Centro Pen Galicia renderanlles unha grande homenaxe ás letras galegas na VI Bienal Literaria en Compostela, que terá lugar do 2 ao 3 de outubro no Gaiás.
Fonte: Xunta de Galicia
Subscríbase ao boletín
