O secretario xeral da Lingua, Valentín García, presentou un estudo que afonda no uso do galego no tecido empresarial da comarca do Deza destacando “a importancia de involucrar a todos os axentes posibles á hora de facer unha radiografía da situación do idioma desde distintos ámbitos e perspectivas”.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
21 de abril de 2025
18 de abril de 2025
As bibliotecas catalás prestaron 11,4 millóns de libros en 2023, con máis da metade en catalán (52 %) fronte a un 45,7 % en castelán. A clave desta alta presenza do catalán atópase no préstamo de libros infantís e xuvenís, que dobran os de castelán desde 2019.
16 de abril de 2025
A Xunta de Galicia acaba de convocar a oitava edición do Premio CGAC de Investigación e Ensaio sobre a arte, cuxo obxectivo é promover o coñecemento e o acceso do público á arte contemporánea nas súas diversas manifestacións, así como favorecer a comunicación social das artes plásticas.
16 de abril de 2025
O Dicionario Xeración Z, creado por estudantes do IES Plurilingüe Aquis Celenis de Caldas de Reis, recompila termos empregados por esta xeración, como anglicismos e expresións adaptadas, para documentar a evolución do galego que emprega a mocidade e que está influenciado polas redes sociais e as novas tecnoloxías.
16 de abril de 2025
O Auditorio de Ferrol acolleu a XXXII edición do festival Mocidade Coa Lingua, un evento que promove a creatividade musical do alumnado da comarca situando o galego como eixe central. Participaron varios grupos de música de centros educativos locais, que interpretaron cancións orixinais ante máis de 700 estudantes.
16 de abril de 2025
A Universidade de Alacant (UA) e a Academia Valenciana da Lingua (AVL) asinaron un convenio para a creación dunha base de datos que permitirá xerar os mapas do Atlas Lingüístico Valenciano, obra de Jordi Colomina. Este proxecto, que contará con mapas dixitais para mostrar a variación fonética e léxica do valenciano, rematará en 2028 e ofrecerá datos valiosos para estudos dialectolóxicos e lingüísticos.
16 de abril de 2025
As entidades 3Cat, AMIC e Fundació.cat crearon os Premis Crit, que buscan recoñecer a creación de contidos en catalán nas redes sociais e plataformas dixitais. O obxectivo é profesionalizar o sector e favorecer o uso desta lingua no ámbito dixital. Inclúen varias categorías, como humor, arte e gastronomía, e o premio ao mellor vídeo do ano será elixido polo público.
15 de abril de 2025
A Universidade de Yale ampliou o seu programa de Estudo Independente Dirixido (DILS) para incluír linguas indíxenas en perigo de extinción, como o calmuco ou o maorí. Este programa permite ao alumnado estudar linguas non ofrecidas nos cursos regulares e moitas veces reconectar coas súas orixes familiares promovendo a preservación e revitalización das linguas minoritarias. Con todo, a pesar da importancia cultural e educativa desta iniciativa, a universidade non outorga créditos académicos por estes estudos, o que supón un paradoxo que xerou críticas entre parte do estudantado.
15 de abril de 2025
A Unesco aprobou oficialmente a designación do 9 de febreiro como Día Mundial da Lingua Grega, coincidindo co aniversario do pasamento de Dionysios S
15 de abril de 2025
O estudo realizado en Tolosa en 2024 confirma que a metade das conversas nas rúas son en éuscaro, o que significa que esta lingua mantén unha tendencia estable de revitalización. A medición mostrou que este idioma supera o castelán por sexto ano consecutivo, especialmente entre a mocidade e a infancia. Desde 1985, o seu uso aumentou máis de 20 puntos e é a lingua principal nas rúas da cidade.
Boletín
Subscríbase ao boletín
