O novo sistema operativo de Apple, OS X Yosemite, permitiralles aos usuarios escoller o napolitano e o siciliano como linguas para os terminais, despois de que a Unesco aceptase estes idiomas como linguas maternas.
Fonte: Il Messaggero
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
03 de setembro de 2014
03 de setembro de 2014
“Que falen as linguas / Que parlen les llengües” é o título do encontro literario galego-catalán que se desenvolve no pub Modus Vivendi en Compostela.
Fonte: Sermos Galiza
03 de setembro de 2014
Os históricos selos editoriais valencianos Bromera e Tàndem, probablemente os que máis prestixio conseguiron dentro da edición en valenciano na recente historia impresa desta lingua, chegaron a un acordo polo que o primeiro adquire a marca Tàndem e “boa parte do seu catálogo”, ademais da responsabilidade da súa difusión.
Fonte: El País
02 de setembro de 2014
Activistas a prol da lingua galesa alertaron que o municipio de Swansea non está a empregar suficientemente o galés nas redes sociais e denuncian que non se está a cumprir o Plan da Lingua Galesa aprobado pola entidade local.
Fonte: South Wales Evening Post
02 de setembro de 2014
O organismo quebequés "Impératif français" aproveitou a festa do traballo para lanzar a súa campaña anual "Eu traballo en francés". Por medio desta iniciativa difundiranse espazos publicitarios na radio e na televisión para instar os gobernos e os empresarios a fomentar o francés no ámbito do traballo no Quebec.
Fonte: La Presse
02 de setembro de 2014
A Consellería de Cultura, Educación e Ordenación Universitaria convoca cursos de linguaxe administrativa galega (niveis medio e superior) e cursos preparatorios para a obtención dos Celga, para o curso 2014/2015, nas escolas oficiais de idiomas de Galicia.
Fonte: Consello da Cultura Galega
02 de setembro de 2014
Vendéronse uns 1600 libros, o 67 % dos cales estaba en galego. Por cuarto ano consecutivo, na Praza dos Libros de Carballo vendéronse máis títulos en galego ca en castelán, algo que se incrementou notablemente desde o ano pasado.
Fonte: Semos Galiza
02 de setembro de 2014
Vigo Dixital é un novo diario en liña centrado na actualidade da principal cidade do país, xurdido das cinzas dunha chea de medios xa desaparecidos co firme obxectivo de facer tres cousas: tirar o máximo proveito das posibilidades das novas correntes de comunicación en liña (participativas, colectivas, transparentes), informar en galego a tempo completo e achegarse á veciñanza tanto como sexa posible.
Fonte: Código Cero
02 de setembro de 2014
O sistema de educación plurilingüe incluirá o próximo curso 2014/2015 todo o segundo ciclo de Educación Infantil, o que beneficiará 18 000 alumnos de tres, catro e cinco anos da provincia de Castellón.
Fonte: El Periódico Mediterráneo
02 de setembro de 2014
Catro de cada dez mozos vascos de entre 15 e 29 anos matricularían os seus fillos, de telos, en modelo trilingüe (éuscaro, castelán e inglés), segundo datos da enquisa “Retratos de xuventude” elaborada polo Goberno vasco.
Fonte: El Correo
Boletín
Subscríbase ao boletín
