A marcha, convocada pola plataforma Queremos Galego, repítese en oito localidades cunha pancarta inicial que di 'Un paso adiante e outro adiante, Galiza'.
Fonte: Galicia Hoxe
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
19 de maio de 2014
Baixo o lema 'Ezberdin baina berdin' o colectivo de mozos de AED programou unha festa que aglutinará diversas actividades co éuscaro como nexo de unión.
Fonte: Diario Vasco
19 de maio de 2014
A Fundación puntoCAT puxo en marcha a campaña “Navega en catalán”, que nace coa vontade de sensibilizar os internautas para que naveguen en catalán por internet e así contribuír a aumentar a demanda de contido nesta lingua. A campaña ten o apoio de Softcatalà e da Dirección Xeral de Política Lingüística do Departamento de Cultura.
16 de maio de 2014
O ministro principal de Gales, Carwyn Jones, admite que o xeito de ensinar o galés, nas escolas do País de Gales onde a lingua de instrución é o inglés, debe cambiar co fin de promover a lingua vernácula no ámbito laboral. Carwyn Jones e o ministro de Educación, How Lewis, recoñeceron que o galés se ensinaba nestas escolas como unha segunda lingua e que isto debía modificarse en resposta a un informe elaborado por un experto na materia.
Fonte: Wales Online
16 de maio de 2014
O British Council, órgano público británico centrado na difusión do coñecemento do inglés, organiza en Tunisia a Semana da Lingua Inglesa co fin de concienciar acerca da importancia da aprendizaxe deste idioma e do seu papel no mercado laboral.
Fonte: African Manager
16 de maio de 2014
Nos últimos seis anos, o número de publicacións en lingua kurda cuadriplicouse en Turquía, sobre todo no xénero de ficción para adultos. Segundo datos presentados pola Axencia Turca de Estatística, o número total de publicacións en kurdo pasou de 101 en 2008 a 413 en 2013.
Fonte: Hurriyet Daily News
16 de maio de 2014
Con motivo do seminario "Saber portugués", organizado polo Instituto Camões na Universidade de Estudos Estranxeiros de Shanghai, o presidente da República portuguesa, Cavaco Silva, defendeu a importancia da lingua portuguesa como "vantaxe competitiva" no país asiático.
Fonte: Visāo
16 de maio de 2014
O presidente da Real Academia Galega (RAG), Xesús Alonso Montero, cre que hai que promover unha política educativa en galego para as persoas que xa o saben, porque "o día que se ligue en galego", o día que "un lle chisque un ollo a unha rapaza en galego" este idioma dará "pasos cualitativos de xigante".
Fonte: El Diario
16 de maio de 2014
O proxecto ‘Ponte a Londres', no que tres colexios pontevedreses e un londiniense levan traballando desde xaneiro, chegou ao seu fin. Os case 100 escolares reuníronse por primeira vez na cidade logo de compartir experiencias a través dunha plataforma en internet, cuxo obxectivo final era mostrar que «o galego é unha lingua de comunicación normal entre os mozos», explica unha das impulsoras da iniciativa, Cristina González.
Fonte: Diario de Pontevedra
16 de maio de 2014
Chegada a semana da celebración do Día das Letras Galegas multiplícanse as visións sobre a figura homenaxeada, nesta ocasión o poeta Xosé María Díaz Castro, pero poucas veces o material divulgativo que se realiza se fai pensando nas nenas e nenos xordos. Conscientes desta realidade as investigadoras do Grupo de Investigación de Lingua Española e Linguas Signadas, Griles, puxéronse mans a obra na gravación de cinco vídeos cos que difundir entre os máis pequenos a figura do poeta en lingua de signos.
Boletín
Subscríbase ao boletín
