Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Aberto á participación de todos os nenos e mozos do ensino público de Portugal, de preescolar a secundaria, o concurso "Ler é unha festa" ten o obxectivo de “crear ou consolidar hábitos de escrita e de lectura, así como valorizar a expresión artística, en homenaxe á lingua portuguesa”.
Fonte: diáriOnline
Telegram aspira a converterse nunha alternativa sólida a WhatsApp, coa vantaxe de ser unha solución baseada en software libre, o que permite que, entre outras cousas, sexa posible a súa localización. Isto está a levar a que se poida conseguir o código fonte da aplicación de Telegram para Android en galego grazas ao traballo colaborativo de distintos tradutores.
Fonte: Código Cero
O libro A tradución galega do Liber de medicina equorum de Giordano Rufo presenta a versión galega do tratado de veterinaria do século XIV De medicina equorum nunha edición que, sen alterar a realidade lingüística que reflicte o códice que a envía, opta pola súa regularización gráfica axudándose doutros elementos co fin de corrixir algunhas das probables deficiencias que o testemuño presenta.
A Secretaría Xeral de Política Lingüística diríxese ás entidades locais (deputacións, concellos, mancomunidades, consorcios e agrupamentos de concellos) para anunciarlles a próxima realización de cursos de lingua galega preparatorios para as probas dos niveis Celga 1, Celga 2, Celga 3 e Celga 4.
Fonte: Consello da Cultura Galega
Miles de manifestantes reuníronse nun acto convocado pola coordinadora de entidades cívicas e educativas Somescola diante do Tribunal Superior de Xustiza de Cataluña para defender o modelo de inmersión lingüística.
Fonte: Generalitat de Cataluña
O Departamento de Cultura elaborou a publicación 10 raons perquè els productes digitals parlin català, dirixida ás empresas do mundo dixital, no que propoñen dez argumentos sólidos polos que o catalán pode ser unha oportunidade de negocio e incrementar o potencial de captación de clientes.
O Concello de Oroso convoca unha nova edición do concurso de receitas de Entroido “En galego sabe mellor”. As receitas deben ser típicas do Entroido e estar redactadas en lingua galega.
Fonte: Consello da Cultura Galega
‘Explícoche Matemáticas 2.0’ é un concurso dirixido ao alumnado do Sistema Universitario de Galicia e a estudantes de 3º e 4º de ESO e 1º e 2º de Bacharelato dos centros de educación secundaria de Galicia que promove a Facultade de Matemáticas da Universidade de Santiago de Compostela e a súa Comisión de Normalización Lingüística. O obxectivo é promover a utilización do galego como medio de transmisión das Matemáticas, así como a creatividade do alumnado, a través da realización de curtametraxes de dous minutos de duración nas que se explique en galego un concepto matemático.
A Facultade de Dereito ampliará a súa oferta académica en éuscaro ao implantar materias neste idioma no dobre grao de Administración e Dirección de Empresas + Dereito do campus de Bilbao. A implementación realizarase a partir do curso 2014-2015, no primeiro curso e irase estendendo progresivamente aos cursos seguintes. O obxectivo é converterse en referencia na educación en éuscaro.
Fonte: Noticias Press
A materia de Lingua Galega volve impartirse no instituto Europa de Ponferrada, despois de que a Consellería de Educación da Junta de Castela e León a suprimise, ao inicio do presente curso escolar (2013-2014), nos dous cursos de Bacharelato.
Fonte: Infobierzo
Subscríbase ao boletín
