Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O conselleiro de Cultura, Educación e Ordenación Universitaria, Xesús Vázquez Abad, presentou na Cidade da Cultura de Galicia a programación promovida pola Xunta de Galicia para conmemorar as Letras Galegas 2014, dedicadas ao poeta e tradutor lucense Xosé María Díaz Castro.
Fonte: Xunta de Galicia
A primeira escola pública bilingüe en español e portugués, para estudantes do ensino medio, foi inaugurada na cidade de Río de Janeiro, froito dun acordo entre o Goberno do estado de Río de Janeiro e a Embaixada de España no Brasil.
Fonte: Terra
Os responsables educativos de Manica, no centro de Mozambique, están a reavaliar a introdución de linguas cimbabuesas nas escolas fronteirizas con Cimbabue para deter o éxodo de alumnos para o país veciño.
Fonte: Sapo
A Xunta pola Defensa da Lingua Asturiana presentou no Rexistro Xeral Central do Principado de Asturias requirimentos formais instando a todas as consellerías a que cumpran a legalidade en materia toponímica nos seus respectivos ámbitos de competencia.
Fonte: Asturnews
O éuscaro fíxose forte en Bilbao. Euscaldúns ou case euscaldúns, actualmente máis da metade dos bilbaínos son capaces de desenvolverse nesta lingua. Un panorama radicalmente diferente ao de hai tres décadas, cando apenas un de cada cinco veciños da capital biscaíña podía enfiar tres palabras seguidas en éuscaro.
Fonte: Deia
O xornalista televisivo Rona O Domhnaill será nomeado novo comisario da Lingua Irlandesa da República de Irlanda. Substituirá a Sean O Cuirreain que abandonou o seu cargo por discrepancias co Goberno irlandés sobre as súas políticas lingüísticas.
Fonte: Irish Independent
A oficina da comisaria da Lingua Galesa está investigando as sospeitas que declaran que a aseguradora Swinton Insurance prohíbelles aos seus empregados falaren galés cos clientes. Trátase da primeira vez, desde a aprobación da Lei da lingua galesa de 2011, que a comisaria, Meri Huws, decide utilizar as súas competencias para investigar un caso de imposición en materia de lingua.
Fonte: Wales Online
A Secretaría Xeral de Medios da Xunta de Galicia publica a convocatoria de subvencións para empresas que editen publicacións periódicas escritas integramente en galego.
Fonte: Consello da Cultura Galega
Elementos de Euclides e A República de Platón son os dous novos volumes que se incorporan á colección Clásicos do Pensamento Universal, coeditada pola Universidade de Santiago e a Fundación BBVA.
Un estudo recente realizado pola Comisión do Reino Unido de Emprego e Competencias mostrou que un 17 % das ofertas de emprego que se publican no país non se pode cubrir pola falta de competencias lingüísticas dos candidatos.
Fonte: The Guardian
Subscríbase ao boletín
