A Asociación de Publicacións Periódicas en Catalán (APPEC), a Asociación Catalá de Prensa Comarcal (ACPC) e a Asociación Catalá de Prensa Gratuíta (ACPG) celebraron a Noite das Revistas e a Prensa en Catalán.
Fonte: Generalitat de Cataluña
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de maio de 2014
A asociación Maestrat Viu recoñece o esforzo pola lingua e o territorio valencianos cos seus premios
O colectivo Maestrat Viu entregou os galardóns da I edición dos Premios Maestrat Viu, que teñen como obxectivo recoñecer o esforzo das persoas, entidades e institucións que traballan pola lingua e o territorio e axudan a promover e divulgar a cultura en valenciano, tanto no ámbito cultural, social, cívico como científico.
Fonte: Levante-emv
21 de maio de 2014
O Parlamento de Ucraína aprobou o Memorando de Paz e Entendemento, unha declaración que marca directrices para a saída do conflito no país. Alén de demandar a disolución dos grupos e de facer un chamamento á unidade nacional e á participación nas vindeiras eleccións, o texto abre a porta a outorgar de novo o status legal da lingua rusa, unha das principais demandas no leste e sur do país.
Fonte: Nationalia
21 de maio de 2014
Unha escola universitaria de Dublín lanzou unha base de datos actualizada dos topónimos de Irlanda e un novo servizo cartográfico en lingua irlandesa. O sitio web presenta unha interface renovada, máis fácil de usar e accesible e unha atractiva presentación visual.
Fonte: Business & Leadership
21 de maio de 2014
O conselleiro de Cultura, Educación e Ordenación Universitaria, Xesús Vázquez Abad, e o presidente da Asociación de Escritores en Lingua Galega (AELG), Cesáreo Sánchez, asinaron dous convenios de colaboración a través dos que a Xunta apoia a actividade desta entidade cunha achega total de 21 000 euros.
Fonte: Xunta de Galicia
21 de maio de 2014
A Plataforma pola Lingua presentou ‘El Mapa de les Llengües’ (O Mapa das Linguas), unha web que recolle a procedencia e información sobre as 270 linguas que se falan nos territorios de fala catalá.
Fonte: El Periódico
21 de maio de 2014
Non só de inglés viven os estudantes estremeños. A aspiración de saber comunicarse noutro idioma aparte do propio parece unha fase superada. Agora, os alumnos de Secundaria estudan dúas linguas estranxeiras. E algúns, tres. En concreto, son 24 os institutos da comunidade autónoma que imparten unha terceira lingua estranxeira, ou o que é o mesmo, o 19 por cento dos centros da rexión. En total, uns seiscentos alumnos estremeños están estudando para ser trilingües.
20 de maio de 2014
O Dalai Lama, líder espiritual do Tíbet, declarou nos Países Baixos que tanto a lingua como a relixión tibetanas están ameazadas e engadiu que os dirixentes de liña dura presentes no Tíbet continúan atacando estes dous piares fundamentais do pobo tibetano.
Fonte: Daiji World
20 de maio de 2014
O sitio web do Parlamento Europeo xa está dispoñible en irlandés, anunciou a institución nun comunicado de prensa. A partir de agora todas as seccións máis importantes do Parlamento Europeo estarán tamén en irlandés, incluíndo o portal e os apartados Noticias, Sobre o Parlamento, Plenario, Comisións e Delegacións.
Fonte: The Irish Times
20 de maio de 2014
No último ano, a porcentaxe do uso do galego na rede reduciuse á metade, segundo datos estimativos de w3techs.com, pasando de case un 0,015 % do total de contidos web no mundo a apenas un 0,0075 %. A caída foi especialmente dramática durante os meses de maio, setembro e outubro de 2013.
Fonte: Ciencia Galega
Boletín
Subscríbase ao boletín
