A lingua hawaiana estivo a piques de extinguirse a principios dos anos oitenta mais conseguiu recuperarse grazas ao programa dun pequeno grupo de educadores. Cando principiou este programa, os falantes de hawaiano non superaban a centena e agora é falado por miles de persoas. Un total de 300 profesores, funcionarios, investigadores e representantes das linguas indíxenas de 50 estados dos EUA e doutros dez países achegáronse a Hawai para participar nun simposio que analizou este proceso de recuperación.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
11 de febreiro de 2014
O Programa de Apoio ás Linguas Indíxenas do Ministerio de Asuntos Indíxenas de Australia permitiralles ás comunidades lingüísticas desenvolver os recursos de aprendizaxe necesarios para preservaren os seus idiomas nativos.
Fonte: PSnews
11 de febreiro de 2014
O Concello de Carballo, desde o seu Servizo de Normalización Lingüística (SNL) e en colaboración con diversos medios de comunicación escrita, convoca a décima edición do Premio a artigos xornalísticos normalizadores, un certame xa consolidado que ten como obxectivos promover a reflexión sobre a situación social da lingua galega, crear espazos nos xornais para analizar e fomentar o uso e prestixio do idioma galego e promover o seu uso na prensa.
Fonte: Concello de Carballo
11 de febreiro de 2014
Xa están dispoñibles as bases da nova edición do Premio de Publicidade en Galego 2013 que convoca o Consello Asesor da RTVE en Galicia e a CTRVG. Os galardóns diríxense a recoñecer o traballo despregado polos medios, axencias ou entidades que promovan ou difundan anuncios ou cuñas publicitarias transmitidas integramente en galego.
Fonte: Código Cero
11 de febreiro de 2014
Os alumnos de Iñigo Aritza Ikastola e Txioka Haur Ikastola de Alasua gravaron un vídeo clip a favor do éuscaro. Co título Euskara da Euskal Herri, colgouse na rede a pasada fin de semana. Desde entón, recibiu máis de 5000 visitas.
Fonte: Noticias de Navarra
11 de febreiro de 2014
Trátase dun novo medio de información especializada no mundo dixital dedicado ás persoas e empresas interesadas nas redes sociais, a comunicación, as novas tecnoloxías e o mundo audiovisual.
Fonte: La Vanguardia
10 de febreiro de 2014
O ensino da lingua portuguesa en Francia gañou importancia nos últimos anos. Esta é a constatación do profesor Lamartine Bião, da Asociación Bião Brasil, e da profesora Clara Chagas, que participa nun proxecto de ensino do portugués no municipio de París.
Fonte: RFI
10 de febreiro de 2014
O salón francés dos idiomas e culturas do mundo abriu as súas portas en París co obxectivo de mostrar a ampla oferta de aprendizaxe de máis de 80 linguas. Arredor de 180 institucións aproveitaron este acto para promover os idiomas e as culturas do mundo.
Fonte: RFI
10 de febreiro de 2014
O conselleiro de Cultura, Educación e Ordenación Universitaria, Jesús Vázquez, e a directora do Instituto Confucio en España, Li Zhang, analizaron as posibles vías de colaboración para establecer bolsas coas que o alumnado galego poida estudar chinés no país oriental.
Fonte: El Correo Gallego
10 de febreiro de 2014
Unha guía con explicacións en cinco idiomas (galego, castelán, francés, alemán e inglés) e con datos de diferentes traballos realizadas en case 20 anos. O Museo de Viladonga, situado en Castro de Rei, acaba editar unha publicación que pon ao día a historia recente dese lugar.
Fonte: La Voz de Galicia
Boletín
Subscríbase ao boletín
