Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Escola Valenciana e a Asemblea de Docentes das Illas Baleares uníronse a Somescola para defender conxuntamente o ensino en catalán na escola nos territorios de fala catalá, polo que participarán na protesta festiva prevista en Barcelona.
Fonte: El Mundo
O Goberno foral non acepta a recomendación do Valedor do Pobo de adoptar medidas para que nas convocatorias de ingreso na Administración non se valore máis o coñecemento dunha lingua estranxeira có de éuscaro, lingua propia e cooficial en parte de Navarra.
Fonte: Noticias de Navarra
Un novo proxecto de investigación da Universidade de Bangor analizará por que os nenos e nenas que asisten a escolas de lingua galesa se mostran reticentes a utilizar este idioma fóra do centro educativo.
Fonte: Phys.org
A organización POBAL convida a comunidade de falantes de irlandés e outras partes interesadas a asistir á presentación dunha enquisa sobre as aspiracións e necesidades da xente nova respecto á lingua irlandesa en Irlanda.
Fonte: Ballymoney Times
O conselleiro de Cultura, Educación e Ordenación Universitaria, Xesús Vázquez Abad, participou na entrega dos X Premios Rosalía de Castro, un galardón organizado polo Centro Pen Galicia e a Consellería, e que conta tamén co apoio da Universidade de Santiago de Compostela.
Fonte: Xunta de Galicia
A Consellería de Cultura, Educación e Ordenación Universitaria presentou na sede da Real Academia Galega (RAG) na Coruña o volume XXIX dos Cadernos Ramón Piñeiro, dedicado a Xosé María Díaz Castro baixo o título “Nimbos: cáliz fervendo!”.
Fonte: Xunta de Galicia
Alumnos dos dous institutos de Moaña poñen en marcha a campaña "En galego, con toda a frescura". Trátase dunha actividade, en colaboración co Servizo de Normalización Lingüística do Concello que ten como obxectivo estender o uso do idioma propio de Galicia así como axudar aos tendeiros da vila a vender os seus produtos frescos.
Fonte: Faro de Vigo
As comisións de normalización lingüística da Escola Politécnica Superior e da Escola Universitaria Politécnica da Universidade da Coruña, en colaboración co Servizo de Normalización Lingüística, convocan o I Concurso de Vídeos en Lingua Galega, deseñado para promover o uso do galego no ámbito científico-técnico.
Fonte: Consello da Cultura Galega
O centro vasco de neurociencias lanzou un xogo para medir en cinco minutos as palabras que o usuario coñece do español. Desde o seu lanzamento xa participaron máis de 75 000 persoas de todo o mundo. Os resultados empregaranse para entender como os lectores procesan as palabras escritas.
Fonte: El Boletín
A Consellería de Cultura, Educación e Ordenación Universitaria leva estes días ao concello pontevedrés da Estrada a mostra itinerante ‘Nimbos de luz’, promovida pola Xunta de Galicia no marco das iniciativas conmemorativas das Letras Galegas 2014.
Fonte: Xunta de Galicia
Subscríbase ao boletín
