Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Un estudo realizado conxuntamente pola Universidade McGill e a Universidade de Oxford revela que a idade na que os nenos e nenas aprenden unha segunda lingua incide de maneira importante na estrutura do cerebro das persoas adultas.
Fonte: Radio-Canada
A Consellería de Cultura, Educación e Ordenación Universitaria, representada no secretario xeral de Política Lingüística, Valentín García, participou no acto de nomeamento de Xosé Neira Vilas como Arraiano Maior 2013.
Fonte: Xunta de Galicia
A Consellería de Cultura, Educación e Ordenación Universitaria continúa a desenvolver a súa programación de actividades de dinamización lingüística nos concellos da Rede de Dinamización Lingüística (RDL) da Xunta de Galicia.
Fonte: Xunta de Galicia
A Consellería de Cultura, Educación e Ordenación Universitaria, representada no secretario xeral de Política Lingüística, Valentín García, participou na presentación do musical infantil ‘A Banda do Berberecho’, unha iniciativa subvencionada polo departamento autonómico e que ten como obxectivo promover entre o público máis pequeno a cultura e os cantares máis tradicionais da nosa terra e na nosa lingua.
Fonte: Xunta de Galicia
Co desexo de afondar no complexo mundo das emocións e das verbas, Isabel Ferreiro, psicopedagoga do campus de Ourense, vén de realizar un estudo entre estudantes de Educación Secundaria Obrigatoria e universitarios para coñecer a imaxe e a emotividade que suscitan neles as palabras galegas máis empregadas.
Fonte: Universidade de Vigo
O Tribunal Superior de Xustiza de Baleares (TSJB) suspendeu de forma cautelar a aplicación do Decreto de Tratamento Integrado de Linguas (TIL) aprobado polo Goberno balear, despois de que así o solicitasen dous dos sindicatos que recorreron a nova normativa.
Fonte: Europa Press
Como novidade deste ano, o servizo de idiomas da Universidade Autónoma de Madrid (UAM) inclúe na súa oferta lingüística formativa cursos de portugués de nivel A1 e A2.
Fonte: Aprende Más
A oferta de ensino da lingua portuguesa en Francia tende a diminuír, xa que nestes momentos as autoridades francesas están a privilexiar o inglés fronte a outras linguas, declarou á Axencia Lusa o deputado Carlos Alberto Gonçalves.
Fonte: Notícias ao Minuto
A licenciatura máis recente de portugués en China continental arranca no inicio de outubro na Universidade de Estudos Internacionais de Zhejiang (ZISU) con 22 alumnos, o que eleva a 18 o número deste tipo de estudos no país asiático. A maioría das licenciaturas apareceu na última década, coincidindo co desenvolvemento das relacións económicas e comerciais entre China e os países de lingua portuguesa, especialmente Brasil e Angola.
Fonte: iOnline
O ministro da Educación de China declarou que preto de 400 millóns de habitantes, ou o 30 % da poboación do país, non se expresa en chinés mandarín, o idioma nacional. A dimensión territorial do país e a diversidade étnica constitúen desafíos para a aprendizaxe do idioma.
Fonte: Último segundo
Subscríbase ao boletín
