O conselleiro de Cultura, Educación e Ordenación Universitaria, Xesús Vázquez Abad, inaugurou un simposio sobre Roberto Vidal Bolaño organizado pola Real Academia Galega.
Fonte: Xunta de Galicia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
19 de decembro de 2013
19 de decembro de 2013
O Servizo de Normalización Lingüística (SNL) da Universidade de Santiago de Compostela fixo pública a relación de persoas gañadoras dos IX Premios á Calidade Lingüística dos traballos fin de grao e mestrado e de fin de carreira do curso académico 2012-2013.
19 de decembro de 2013
O galego atópase entre as linguas que teñen recursos computacionais “robustos” e que a sitúan “na vangarda da lingüística computacional”. Eva M.ª Domínguez Noya sostén esta afirmación na súa tese de doutoramento ‘Etiquetaxe e desambiguación automáticas en galego: o sistema XIADA’.
18 de decembro de 2013
A Federación Estudantil da Universidade de Ottawa realizará a comezos do mes de xaneiro a primeira enquisa en dez anos sobre a satisfacción dos estudantes respecto á calidade dos servizos recibidos en materia de linguas oficiais.
Fonte: La Presse
18 de decembro de 2013
Os docentes que traballen no ámbito da educación indíxena recibirán formación específica de alfabetización en portugués e en linguas nativas. A iniciativa forma parte dun programa educativo aprobado polo Ministerio de Educación brasileiro.
Fonte: R7 Notícias
18 de decembro de 2013
O responsable da sección da Mesa pola Normalización Lingüística en Bergantiños, Xosé Cotelo, entregou un escrito no Rexistro do Concello de Cabana de Bergantiños exixindo a corrección de todos os topónimos deturpados existentes no municipio.
Fonte: Que Pasa na Costa
18 de decembro de 2013
O traballo de recollida da toponimia redondelá iniciouse en 2012, froito da celebración dun curso de toponimia organizado polo IEM (Instituto de Estudos Miñoranos), a Universidade de Vigo e os Concellos de Vigo e Pontevedra, no que participou o Servizo de Normalización Lingüística.
Fonte: SNL de Redondela
18 de decembro de 2013
A Rede de Dinamización Lingüística (RDL) da Xunta de Galicia, coordinada pola Consellería de Cultura, Educación e Ordenación Universitaria, vén de poñer en marcha o obradoiro de música tradicional “Cantámosche os Reis”, no marco da programación “Nadal en Rede”.
Fonte: Xunta de Galicia
18 de decembro de 2013
Presentan o concurso de microvídeos “Agasalla o catalán en 6 segundos” para promover a lingua catalá
A Dirección Xeral de Política Lingüística do Departamento de Cultura puxo en funcionamento o concurso “Agasalla o catalán en 6 segundos”, unha nova iniciativa destinada especialmente á xuventude para promover o uso do catalán nas redes sociais, no traballo, nas relación sociais...
18 de decembro de 2013
Os bebés de tres meses diferencian éuscaro e castelán polo ritmo e a entoación, segundo recolle un estudo do Basque Center on Cognition, Brain and Language (BCBL) de San Sebastián. O informe proba ademais que “os bebés de contornos bilingües teñen unha maior sensibilidade para discriminar idiomas” e que aqueles cuxos pais falan unicamente en éuscaro presentan un “comportamento bilingüe” a causa do entorno.
Fonte: Diario Vasco
Boletín
Subscríbase ao boletín
