Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O consello escolar inglés da cidade quebequesa de Montreal anunciou un descenso récord no número de inscricións: 10 000 estudantes menos desde o ano 2000. Mentres que o consello escolar atribúe unha parte das perdas ao éxodo das familias do centro ás aforas da cidade, un oficial deste declara que "o principal inimigo é a política lingüística do Quebec".
Fonte: National Post
O Servizo de Normalización Lingüística do Concello de Vigo e mais a Asociación Veciñal Doutor Fleming organizan o Curso de auga salgada, que ten como obxectivo difundir a lingua e a literatura popular relacionadas co mar (nomes dos oficios, embarcacións tradicionais, lendas…).
Fonte: Consello da Cultura Galega
O obxectivo deste programa é que os mozos e mozas de Compostela que teñan interese en perfeccionar as súas competencias lingüísticas poidan facelo dun xeito práctico a través da conversa con outras persoas con similares intereses.
Que un sinal de prohibido aparcar estea rotulado unicamente en galego non exime do cumprimento desta indicación nin do, chegado o caso, pago da multa correspondente, se se cometeu unha infracción. Así o deixa claro unha sentenza, moi rotunda, do xulgado contencioso-administrativo número 1 de Ourense.
Fonte: Praza Pública
As clases para aprender a falar en éuscaro son gratuítas e permítenlles ás persoas que participan coñecer formas e estruturas sinxelas que lles serven de axuda en situacións da vida cotiá (reunións con amigos, na rúa, no traballo...). Igualmente están pensadas para axudar a pais e nais non vascoparlantes a coñecer o idioma en que estudan os seus fillos.
Fonte: Diario Vasco
Unha familia de orixe colombiana afincada desde hai case unha década en Euskadi busca desde hai semanas unha solución para que os seus tres fillos, de 19, 17 e 16 anos, poidan avanzar nos seus estudos pese a non dominar o éuscaro, despois de que os tres esgotaran os catro cursos de exención que lles permite a normativa vasca. A súa situación, unha vez esgotados os recursos ante a Administración autonómica, levoulles a pedir axuda por carta ao ministro de Educación, para tratar de atopar unha solución a poucos días do comezo do curso.
"Sería necesario abrir un novo clima de diálogo en favor do galego". Con estas verbas, o secretario xeral de Política Lingüística da Xunta, Valentín García, avogou na Cámara galega por comprometer a todos os partidos políticos e asociacións en defensa do idioma para chegar a un novo consenso en materia lingüística.
Fonte: Galicia Confidencial
As escolas oficiais de idiomas de Navarra incrementaron nun 11,3 % a súa oferta formativa para o curso 2013-2014. Por un lado, consolidouse a oferta presencial nos centros de Pamplona e de Tudela e, por outro, fomentáronse outras modalidades impartidas pola escola oficial a distancia.
Fonte: Noticias de Navarra
Catalán, éuscaro, asturiano e, sobre todo, español; pero tamén sardo ou bretón, italiano, alemán, inglés e mesmo ucraíno e ruso. As profesoras da Facultade de Filoloxía e Tradución, Ana Luna e Iolanda Galanes mergúllanse, unha década despois do pasamento de Carlos Casares, na estreita relación que mantivo o autor, unha das figuras fundamentais das letras galegas contemporáneas, co mundo da tradución.
Fonte: Universidade de Vigo
O presidente da Asociación de Editores en Lingua Catalá, Jordi Ferré, aseverou que entre os anos 2007 e 2011 se editaron un 3,7 por cento menos de libros en catalán, mentres que no mesmo período houbo un incremento en castelán do 18,6 por cento, de 55 a 65 000 títulos.
Fonte: La Vanguardia
Subscríbase ao boletín
