Información do día a día do galego e outras linguas

Novas

 

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas. 

    14 de xaneiro de 2013
    Organizan ciclos de cine infantil en éuscaro os domingos pola tarde en Labeaga

    Volve o cine infantil en éuscaro os domingos pola tarde, impulsado polas Comisións de Éuscaro dos concellos de Urretxu e Zumarraga.

    Fonte: Diario Vasco

    11 de xaneiro de 2013
    A plataforma chinesa de microblogs Sina Weibo engade o inglés á súa interface

    Sina Weibo, a plataforma chinesa de microblogs coñecida ás veces como “O Twitter de China”, comezou a ofrecer unha interface en lingua inglesa.

    Fonte: Tech Crunch

    11 de xaneiro de 2013
    Os balineses loitarán por protexer a súa lingua

    Dada a intención do Ministerio de Educación e Cultura de revisar o currículo educativo de 2013, que inclúe a transformación das clases de inmersión na lingua local en clases de arte e cultura, os balineses demandaron manter as clases de lingua balinesa nos colexios.

    Fonte: Bali Daily

    11 de xaneiro de 2013
    O Consorcio pola Normalización Lingüística potencia o uso do catalán en empresas

    O Consorcio pola Normalización Lingüística impartirá cursos en liña e semipresenciais para potenciar o uso do catalán no contorno laboral, dado que considera esta lingua como unha ferramenta de competitividade para empresas e empregados.

    Fonte: Qué!

    11 de xaneiro de 2013
    Máis de 2000 persoas participaron nas actividades culturais en éuscaro promovidas polo Goberno de Navarra

    Un total de 2028 persoas participou o ano pasado nas actividades culturais en éuscaro que organizou o Goberno de Navarra, a través do Instituto Navarro do Éuscaro, no marco do programa Kultur Zikloa.

    Fonte: Europa Press

    11 de xaneiro de 2013
    Trinta inmigrantes de 14 países aprenderon galego en Carballo

    Trinta inmigrantes chegados de Brasil, Chile, Colombia, Cuba, México, Nixeria, Paraguai, República Checa, República Dominicana, Romanía, Senegal, Uruguai, Venezuela e diversos puntos do Estado español concluíron o obradoiro de integración lingüística e cultural organizado polo Concello de Carballo.

    Fonte: El Correo Gallego

    10 de xaneiro de 2013
    O conselleiro de Cultura e Educación eloxia o papel de Isaac Díaz Pardo a prol do desenvolvemento da Galicia do século XX

    O conselleiro de Cultura, Educación e Ordenación Universitaria, Xesús Vázquez Abad, eloxiou o papel de Isaac Díaz Pardo a prol do desenvolvemento da Galicia do século XX.

    Fonte: Xunta de Galicia

    10 de xaneiro de 2013
    Xesús Vázquez avanza que, a pesar da redución orzamentaria da Xunta, a RAG verá incrementadas as súas prestacións

    A Xunta de Galicia concederá á Real Academia Galega (RAG) para o presente ano un orzamento de 520 000 euros, tal e como se confirmou nun encontro mantido co presidente da Xunta, Alberto Núñez Feijóo.

    Fonte: Xunta de Galicia

    10 de xaneiro de 2013
    O conselleiro de Cultura participou na ofrenda floral a Castelao

    O conselleiro de Cultura, Educación e Ordenación Universitaria, Xesús Vázquez Abad, participou na ofrenda floral a Afonso Daniel R. Castelao.

    Fonte: Xunta de Galicia

    10 de xaneiro de 2013
    A Deputación de Pontevedra convoca catro bolsas para licenciados-as/graduados-as en Filoloxía Galega

    A Deputación de Pontevedra convoca bolsas de prácticas remuneradas para menores de 31 anos, entre as que están catro dirixidas a graduados-as/licenciados-as en Filoloxía Galega.

    Fonte: CTNL

    Boletín

    Subscríbase ao boletín

    Logo Feder