Xeorxia conmemora o 35 aniversario das históricas manifestacións para pedir o status oficial do idioma xeorxiano, demanda que foi satisfeita sorprendentemente polas autoridades soviéticas sen recorrer á forza.
Fonte: El Confidencial
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
16 de abril de 2013
16 de abril de 2013
No medio da selva amazónica brasileira, un equipo de investigadores emprega os teléfonos móbiles para recoller historias da literatura oral e preservar, deste xeito, o patrimonio lingüístico das comunidades indíxenas que corren o risco de desaparecer sen deixar vestixio ningún.
Fonte: Terra
15 de abril de 2013
‘FalaRedes’ chegou a Ponte Caldelas e a Outeiro de Rei a fin de semana da man de Cultura e Educación
A Consellería de Cultura, Educación e Ordenación Universitaria continúa dinamizando o uso da lingua galega no tempo de lecer coas actividades de ‘FalaRedes’.
Fonte: Xunta de Galicia
15 de abril de 2013
A Xunta de Galicia presentou a campaña “Exportar en galego”, promovida pola Consellería de Cultura e Educación, a través da Secretaría Xeral de Política Lingüística, en colaboración coa Federación Galega de Parques Empresariais (FEGAPE). O obxectivo principal desta nova iniciativa, dirixida a promover o uso do galego no ámbito dos negocios, é concienciar o empresariado galego de que a lingua propia de Galicia supón, para a exportación, unha vantaxe competitiva nos países de fala portuguesa.
15 de abril de 2013
Por primeira vez na historia da democracia tres deputados foron expulsados nunha mesma sesión plenaria. O episodio tivo lugar cando os deputados de Esquerra Republicana Joan Tardà, Alfred Bosch e Teresa Jordà insistiron en realizar a súa locución en catalán ignorando as advertencias do presidente do Congreso, Jesús Posada.
Fonte: ABC
15 de abril de 2013
O pleno do Parlamento de Navarra aprobou unha moción pola que se insta o Goberno Foral a “cumprir coas recomendacións do Comité Europeo de Expertos en Linguas Minoritarias e garantir a existencia dunha emisora de radio que emita unicamente en éuscaro na zona urbana de Navarra”.
Fonte: Noticias de Navarra
14 de abril de 2013
Segundo o centro letón de estudos de opinión pública SKDS, preto do 60 % dos cidadáns de Letonia móstrase a favor do ensino da lingua rusa nas escolas.
Fonte: Rádio Voz da Rússia
14 de abril de 2013
A editorial galesa Y Lolfa enviou unha petición á multinacional Amazon para que permita a publicación en Kindle de libros electrónicos en galés. A iniciativa reuniu xa máis de 2000 sinaturas.
Fonte: Wales Online
13 de abril de 2013
A última edición do Atlas das linguas do mundo en perigo da Unesco revela que a lingua piemontesa corre o risco de desaparecer. O Concello de Turín convida o Goberno e Parlamento italianos a incluír o piemontés no grupo de linguas minoritarias protexidas.
Fonte: Torino Today
13 de abril de 2013
A primeira enquisa sociolingüística que se realiza en Córsega sobre a lingua rexional revela, ademais dun forte sentimento de apego á lingua, un importante consenso a favor do bilingüismo en toda a illa.
Fonte: Corse Net Infos
Boletín
Subscríbase ao boletín
