As administracións sufragarán a escolarización en centros privados cando os alumnos non atopen unha oferta docente pública ou concertada na lingua vehicular de ensino que escollan os pais ou titores.
Fonte: RTVE
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
07 de decembro de 2012
05 de decembro de 2012
Sara, para as nenas, e Hugo, para os nenos, foron os nomes máis postos aos nados en Galicia en 2011. Para os nomes en galego hai, en ambos os casos, que ir ao número 13 dos máis habituais: Antía para nenas e Iago para nenos.
Fonte: Sermos Galiza
05 de decembro de 2012
A campaña “Gústame o galego” púxose en marcha no Culturgal 2012 en Pontevedra para, entre outras cousas, visibilizar o apoio de persoas a nivel individual ao proceso de normalización da lingua galega en todos os ámbitos ou favorecer que persoas de todo tipo se posicionen a prol do fomento do galego.
Fonte: CTNL
05 de decembro de 2012
O proxecto Knowledge Graph de Google está agora dispoñible en máis linguas, incluídas o italiano, o francés, o xaponés e o ruso. O proxecto Knowledge Graph, un dos proxectos de investigación máis importantes de Google neste momento, só estaba dispoñible en inglés ata agora.
Fonte: Techcrunch
05 de decembro de 2012
O Instituto Cervantes aproveitará o VI Congreso Internacional da Lingua Española, que se celebrará en Panamá en novembro de 2013, para ultimar a creación dunha rede iberoamericana de centros de formación de profesores de español como lingua estranxeira.
Fonte: La Información
05 de decembro de 2012
Surfeatu ezazu euskararen olatua (Pilla a onda do éuscaro) é o lema escollido polo Instituto Etxepare para a súa nova campaña de difusión da lingua vasca. Coincidindo coa celebración do Día Internacional do Éuscaro, o organismo presentou un vídeo, realizado en colaboración co Surf Film Festival de San Sebastián, co que se pretende potenciar a divulgación desta lingua.
05 de decembro de 2012
A Confederación de Persoas Xordas denunciou que a aprendizaxe, uso e coñecemento da lingua de signos para alumnos xordos e as súas familias non se garante, a pesar da Lei 27/2007, de 23 de outubro, pola que se recoñecen as linguas de signos españolas e se regulan os medios de apoio á comunicación oral das persoas xordas, con discapacidade auditiva e xordocegas.
Fonte: Europa Press
04 de decembro de 2012
O conselleiro de Cultura, Educación e Ordenación Universitaria en funcións, Xesús Vázquez Abad, participou no acto homenaxe a Eduardo Blanco-Amor na IX Xornada de lembranza.
Fonte: Xunta de Galicia
04 de decembro de 2012
Nin o sistema de mensaxería WhatsApp, nin as redes sociais de YouTube, Facebook ou Twitter nin tampouco o sistema web Gnome para Linux foron ofertados en galego na súa primeira saída ao mercado. Na actualidade, porén, algúns deles xa poden usarse no idioma de Castelao mentres que, para outros, hai proxectos en marcha de tradución desde o inglés. Calcúlase que, polo menos, máis dun centenar de galegos se sumaron a varios proxectos para traducir gratis estes programas, contornos web e redes. Os voluntarios non cobran por este traballo.
04 de decembro de 2012
O Servizo de Normalización Lingüística da Confederación de Empresarios de Galicia vén de presentar a campaña “Vende en galego, vende en Nadal” dirixida ao comercio galego e para a que elaborou diversos carteis publicitarios e felicitacións de Aninovo en lingua galega para as súas relacións coa clientela.
Boletín
Subscríbase ao boletín
