O conselleiro de Cultura, Educación e Ordenación Universitaria en funcións, Xesús Vázquez Abad, participou na rolda de prensa de presentación da edición 2012 da Feira das Industrias Culturais Culturgal.
Fonte: Xunta de Galicia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
07 de novembro de 2012
07 de novembro de 2012
A Consellería de Cultura, Educación e Ordenación Universitaria aposta pola difusión das novas voces poéticas a través do Premio de Poesía Novacaixagalicia, co que colaborará a partir da edición do ano 2013.
Fonte: Xunta de Galicia
07 de novembro de 2012
A Consellería de Cultura, Educación e Ordenación Universitaria propón para o mes de novembro un completo programa de actividades para todos os públicos nas bibliotecas nodais de Galicia.
Fonte: Xunta de Galicia
07 de novembro de 2012
Os españois queren aprender chinés, segundo datos do ultimo Eurobarómetro sobre “Os Europeos e as súas Linguas”, onde tamén se reflicte que un 24 % dos enquisados (fronte ao 14 % dos europeos) considera que este idioma é a segunda lingua que escollería para o futuro dos seus fillos.
Fonte: La Razón
07 de novembro de 2012
Parece que os partidarios do kurdo conseguiron o seu obxectivo de poder usar a súa propia lingua nos xulgados, despois de que o Goberno dixese que pronto enviará unha proposta de lei ao parlamento sobre esta cuestión.
Fonte: Reuters
07 de novembro de 2012
A Sociedade de Estudos Vascos-Eusko Ikaskuntza iniciou unha campaña para que o buscador de internet Google dedique unha icona á lingua co obxectivo final de darlle visibilidade ao éuscaro.
Fonte: ABC
07 de novembro de 2012
O Goberno aprobou o decreto de creación do Consello Social da Lingua de Signos Catalá, o órgano de asesoramento, consulta e participación social na política lingüística do Goberno en relación coa lingua de signos catalá.
Fonte: Generalitat de Catalunya
06 de novembro de 2012
Pequenos comerciantes locais, médicos e escritores foron os primeiros en empregar o galego para promocionarse a través da publicidade, un eido no que entrou a lingua ao mesmo tempo que o facía na prensa. Era o século XIX e empregárona sobre todo firmas galegas, pero tamén foráneas, como a afamada Singer.
Fonte: El Progreso
06 de novembro de 2012
A praza situada no medio da Facultade de Ciencias e as escolas de Aparelladores e Arquitectura da Universidade da Coruña (UDC) acaba de estrear o seu Muíño da Lingua, unha iniciativa que pretende fomentar a promoción do galego e cuxa idea foi a gañadora do premio Luísa Villalta que organiza o Servizo de Normalización Lingüística da UDC.
Fonte: La Voz de Galicia
06 de novembro de 2012
Árabe, chinés mandarín e romanés son os idiomas máis demandados durante o primeiro semestre deste ano no Servizo de Teletradución instalado pola Secretaría Xeral de Igualdade nos centros de información á muller, nas casas de acollida que asisten as vítimas de violencia de xénero e nas entidades e ONG que desenvolven a súa actividade solidaria neste eido.
Fonte: Xunta de Galicia
Boletín
Subscríbase ao boletín
