Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Concello de Xove, en colaboración coas entidades deportivas do municipio, está a desenvolver, desde o pasado mes de outubro de 2012, a campaña de dinamización lingüística "En galego enténdote, non cambies", deseñada para fomentar o uso do galego no ámbito do deporte e promover o mantemento do idioma entre a poboación galegofalante.
Fonte: Prolingua
A Universidade de Santiago de Compostela ofrécelle á comunidade universitaria o acceso a un tradutor en liña galego-español-inglés personalizado para o traballo no contorno universitario.
O conselleiro de Cultura, Educación e Ordenación Universitaria, Xesús Vázquez Abad, presentou un novo recurso terminolóxico orientado a facilitar o uso do galego no sector da restauración. Trátase do Dicionario de alimentación e restauración galego-castelán-inglés, elaborado no seo do Servizo de Terminoloxía Científico-Técnica Galega Termigal e coordinado polo lingüista Manuel González González.
Fonte: Xunta de Galicia
A Consellería de Cultura, Educación e Ordenación Universitaria, a través da Secretaría Xeral de Política Lingüística e da Dirección Xeral de Educación, Formación Profesional e Innovación Educativa, convoca unha nova edición do programa de dinamización lingüística Nós tamén creamos! en colaboración coa Compañía de Radio-Televisión de Galicia (CRTVG) e con OQOeditora.
Fonte: Xunta de Galicia
Os dous euskaltegis de Eibar (o municipal e o de AEK) organizaron un concurso de palabras en éuscaro, coa colaboración do Concello de Eibar. Este novo concurso trata de escoller entre todos os participantes a palabra «máis fea» en éuscaro.
Fonte: Diario Vasco
A empresa cordobesa Signlab desenvolveu o proxecto TextoSIGN, que se centra na tradución e interpretación de textos a lingua de signos mediante a xeración de vídeos cun avatar animado en 3D.
Fonte: Tendencias 21
Profesores angolanos, que participaron nun seminario de formación e linguas nacionais, defenderon a necesidade de valorizar os nomes locais e posibilitar a creación de condicións para a súa xeneralización.
Fonte: Jornal de Angola
O Instituto Camões pasará a certificar as entidades autorizadas para realizar no estranxeiro as probas de lingua portuguesa que constitúen un requisito para a adquisición da nacionalidade portuguesa, ata agora realizadas nos consulados.
Fonte: Correio da Manhã
As leis a prol da lingua francesa en Canadá garantiron a vitalidade e difusión do francés. Porén, internet está presentando novos retos para a vitalidade da lingua no Goberno federal, tal como informou o Comisario Canadense de Linguas Oficiais.
Fonte: Metro
O Xulgado Contencioso Administrativo número 7 de Barcelona admitiu a trámite o recurso presentado por Alternativa Cidadá Progresista (ACP) contra o Concello de Barcelona por excluír o español de ‘todas as informacións, escritas e visuais’ das instalacións dun centro municipal deportivo do Ensanche da cidade.
Fonte: La Voz de Barcelona
Subscríbase ao boletín
