Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A educación en lingua maorí verase reducida se seguen adiante as propostas que pretenden recortar o 70 % das clases de inmersión lingüística e bilingües. O Ministerio de Educación neozelandés suxeriu o peche ou a fusión de sete escolas da cidade de Christchurch que ofrecen ensino en maorí.
Fonte: Stuff.co.nz
En 2015 o número de usuarios de internet que accedan á rede en chinés superará a aqueles que o fan en inglés, segundo un informe elaborado pola Comisión de Banda Larga das Nacións Unidas.
Fonte: The Telegraph
O PP, o PSOE, a Esquerda Plural e os partidos de ámbito territorial rexeitaron no Pleno do Congreso tomar en consideración unha proposición de lei de UPyD que avogaba por previr e erradicar a discriminación lingüística que, na súa opinión, existe en comunidades con linguas cooficiais.
Fonte: Europa Press
O galego, o éuscaro e o catalán son algunhas das linguas minoritarias europeas que están en risco de "extinción dixital" polo pouco apoio que teñen nas novas tecnoloxías, segundo conclúe un estudo da Universidade Politécnica de Cataluña (UPC) e a Universidade Pompeu Fabra (UPF).
Fonte: El Correo Gallego
A Consellería de Cultura, Educación e Ordenación Universitaria, representada no seu secretario xeral de Política Lingüística, Valentín García, desprazouse á Laracha para facer un percorrido pola mostra “Querido Balbino, 1961-2011. 50 anos de Memorias dun neno labrego”.
Fonte: Xunta de Galicia
O secretario xeral de Política Lingüística, Valentín García, participou no Museo da Madeira e do Moble (MOME) na apertura das xornadas "Manuel Reimóndez Portela, un médico na aldea 20 anos despois".
Fonte: Xunta de Galicia
O romanés foi declarado lingua rexional na localidade ucraína de Bila Tserkva (Biserica Alba en romanés) pertencente ao distrito de Rakhiv, na rexión de Transcarpacia. A lingua empregarase en oficinas e documentos administrativos.
Fonte: Interfax
Máis do 43,3 % das persoas que atenden os seus negocios en rúas comerciais sabe éuscaro e un 23,6 % máis non fala o idioma pero coñéceo e enténdeo. E en tres de cada catro establecementos sinalan a importancia do éuscaro para a comunicación co cliente.
Fonte: Diario Vasco
A directora xeral de Política Lingüística do Principado, Ana María Fueyo, dixo que o Goberno rexional quere potenciar a aprendizaxe da lingua asturiana en todos os centros educativos.
Fonte: ABC
On Game Creative lanza Bubblis, un videoxogo de palabras e quebracabezas dispoñible en 44 idiomas entre os que están o catalán, o éuscaro e o galego.
Fonte: Código Cero
Subscríbase ao boletín
