O conselleiro de Cultura, Educación e Ordenación Universitaria, Xesús Vázquez Abad, desprazouse ata a localidade ourensá de Verín para participar no espectáculo ‘O señor das dunas’.
Fonte: Xunta de Galicia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
25 de setembro de 2012
24 de setembro de 2012
O aumento do contacto directo de xaponeses con brasileiros nos últimos anos, en función de factores como a globalización e a importancia que o Brasil vén gañando no panorama internacional, poden espertar de novo o interese polo ensino e a aprendizaxe da lingua portuguesa en Xapón.
Fonte: Planeta Universitário
24 de setembro de 2012
Os nenos e nenas europeos comezan a aprender linguas estranxeiras cada vez máis cedo. A maioría inicia a aprendizaxe entre os seis, como en Portugal, e os nove anos, segundo un informe publicado pola Comisión Europea.
Fonte: Jornal de Notícias
24 de setembro de 2012
Co obxectivo de levar o conflito lingüístico asturiano a Europa, Iniciativa polo Asturiano vén de incorporarse a ELEN (European Lesser-Used Languages), unha ONG que traballa na promoción e protección das linguas europeas minorizadas.
Fonte: Asturies.com
24 de setembro de 2012
O Executivo rexional aprobou un decreto polo que se modifica parcialmente o currículo de Educación Primaria co obxectivo de ampliar a oferta dunha segunda lingua estranxeira nos centros educativos da rexión, que poderán ofertar o alemán.
Fonte: 20minutos
24 de setembro de 2012
As universidades do Algarve (Portugal), Granada, a Universidade Nova de Lisboa e a Università degli Studi di Pádua (Italia) continuarán a colaborar coa Consellería de Cultura, Educación e Ordenación Universitaria na docencia, a investigación e mais a promoción da lingua, da literatura e da cultura galegas.
Fonte: Xunta de Galicia
24 de setembro de 2012
A Consellería de Cultura, Educación e Ordenación Universitaria presentou a versión galega do libro electrónico elaborado no marco do proxecto Agrupación de Centros (DRMA20), desenvolto por docentes da familia profesional de Transporte e mantemento de vehículos de catro comunidades autónomas (Galicia, Navarra, Murcia e Canarias) e coordinado polo CIFP Porta da Auga de Ribadeo.
Fonte: Xunta de Galicia
23 de setembro de 2012
O programa da emisora de radio RTE "Cruinneog" é unha nova serie pensada particularmente para a comunidade irlandesa de todo o mundo, incluíndo os estudantes de irlandés.
Fonte: Irish Central
23 de setembro de 2012
O viceministro cimbabués de Educación Superior, Lutho Tapela, suxeriu a funcionarios de educación, con motivo dunha cerimonia de graduación de profesores, que non debían celebrar o acto en inglés, senón nunha lingua vernácula, xa que todos os que se reunían para a ocasión entendían as linguas locais.
Fonte: The Zimdiaspora
23 de setembro de 2012
O Departamento de Estudos Indíxenas da Universidade de Alasca en Anchorage está facendo innumerables esforzos para manter ou revitalizar as linguas indíxenas de Alasca. Este ano, por primeira vez, os cursos de lingua incluirán o dena'ina, a lingua atabascana que orixinariamente prevalecía na zona de Anchorage.
Fonte: Anchorage Daily News
Boletín
Subscríbase ao boletín
