Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A novena Conferencia Mundial da Lingua Hindi, celebrada na cidade surafricana de Johannesburgo, ten como obxectivo a difusión da lingua hindi en diferentes zonas do mundo e está lista para aprobar unha proposta que a converta en idioma oficial das Nacións Unidas.
Fonte: News TR CK India
A 57.ª edición da revista británica Monocle ten como tema principal o portugués. Segundo a propia revista, a lingua portuguesa está gañando forza e estase “volvendo unha lingua de intercambios, deporte e cultura”.
Fonte: Jornal de Negócios
O zoque-ayapaneco, lingua indíxena de México, está a piques de desaparecer, pois só quedan vivos dous dos seus falantes. Para manter rexistrado en vídeo o que poderían ser os últimos suspiros da lingua indíxena, a cineasta mexicana Denisse Quintero decidiu gravar un documental.
Fonte: CNN México
España é o país europeo no que antes se inicia o estudo dunha lingua estranxeira. Polo menos, en 10 das 17 comunidades onde o estudo doutro idioma se inicia aos tres anos, ao pisar a escola –algo que só sucede na comunidade xermanófona de Bélxica.
Fonte: El Mundo
A Xunta de Galicia comparte coa colectividade cibernauta que apoiou a iniciativa Twitter en galego, XA! -promovida por Ian Vázquez- a súa gran satisfacción pola apertura da coñecida rede social Twitter á tradución ao galego.
Fonte: Xunta de Galicia
O futuro da lingua española “xógase en internet”. Con esta convicción, a Fundación do Español Urxente (Fundéu), asesorada pola Real Academia Española (RAE), publicou un manual con numerosas recomendacións para escribir correctamente na rede e aproveitar todas as súas posibilidades.
Fonte: 20 Minutos
O secretario xeral de Política Lingüística, Valentín García Gómez, participou na Facultade de Filoloxía e Tradución da Universidade de Vigo na mesa inaugural do VII Ciclo de conferencias e mesas redondas Escritoras/es na Universidade.
Fonte: Xunta de Galicia
A Consellería de Cultura, Educación e Ordenación Universitaria vén de dar un novo impulso á liña de actuacións que desenvolve, a través da Secretaría Xeral de Política Lingüística, para a promoción e difusión da lingua galega.
Fonte: Xunta de Galicia
Os profesores Javier Maseda e Carlos Teijo son os autores da publicación Termos esenciais de dereito internacional que se acaba de presentar en formato papel e que recolle a terminoloxía básica deste ámbito.
O conselleiro de Cultura, Educación e Ordenación Universitaria, Xesús Vázquez Abad, presentou o novo programa de televisión en galego, Os Bolechas, dirixido aos máis pequenos da casa, durante unha festa de lanzamento na que participaron máis de 250 rapaces e rapazas.
Fonte: Xunta de Galicia
Subscríbase ao boletín
