Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Centro de Linguas Modernas (CLM) da Universidade de Santiago de Compostela (USC) abriu a matrícula do seu programa de cursos para o ano académico que comeza, no que ofertará cursos en 13 linguas, entre elas, como novidade, a lingua de signos.
Fonte: El Correo Gallego
O programa Redecinema foi presentado en Santiago de Compostela a través da Consellería de Cultura, Educación e Ordenación Universitaria, representada no seu secretario xeral de Política Lingüística e presidente da Rede de Dinamización Lingüística (RDL), Valentín García.
Fonte: Xunta de Galicia
Canal Sur 2 emitirá, a partir de outubro, simplemente os contidos da primeira canle en lugar da súa propia programación, pero con subtitulación, lingua de signos e audiodescripción no caso das películas.
Fonte: Telecinco
O Pleno do Congreso debaterá e votará a iniciativa lexislativa popular ‘Televisión sen fronteiras’, que pretende que as cadeas autonómicas se poidan ver nas comunidades onde se comparta a mesma lingua.
Fonte: Europa Press
Un convenio de colaboración vai impulsar a creación, na Universidade Mohamed I de Oujda, dun centro de ensino de lingua e cultura españolas, que estará tutelado pola Universidade de Granada con apoio do Instituto Cervantes.
Fonte: Granada Hoy
Como tributo aos cen anos do cine indio, o Consello Nacional de Promoción da Lingua Urdú (NCPUL en inglés) está a desenvolver un programa informático para lograr unha pronuncia da lingua urdú o máis correcta e precisa posible.
Fonte: India Express
Case un terzo dos rapaces das escolas de Kingston non fala inglés como lingua materna, segundo os últimos datos.
Fonte: This is Local London
O Servizo de Normalización Lingüística da Confederación de Empresarios de Galicia, co motivo do inicio da actividade escolar, pon a disposición do comercio galego un vocabulario e un soporte dixital en lingua galega para a campaña “Volta ao cole”.
Fonte: CEG
A Consellería de Cultura, Educación e Ordenación Universitaria, representada no seu secretario xeral de Política Lingüística e presidente da Rede de Dinamización Lingüística (RDL), Valentín García, presentou en Ferrol Redecinema, no marco da que chegará a este concello o filme Vilamor.
Fonte: Xunta de Galicia
A Xunta pola Defensa de Lingua Asturiana esixiulle ao Goberno de Asturias que se informe aos centros de ensino da supresión do número mínimo de alumnos para formar clases de asturiano.
Fonte: La Información
Subscríbase ao boletín
