Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O obxectivo da campaña "Móllate polo galego" é aumentar a sensibilidade dos mozos polo idioma galego, concienciándoos sobre a importancia de empregar a lingua propia de Galicia en todos os eidos, e tamén de xeito lúdico e artístico. A campaña está impulsada pola plataforma de medios en lingua galega Vitaminas para o Galego.
Fonte: Praza Pública
Segundo os datos do Departamento de Educación, inscribíronse máis de 17 000 persoas para facer alemán, 5000 máis que o ano pasado, para pouco máis de 8000 prazas dispoñibles. O incremento medio é do 30 %, aínda que hai centros nos que se chegou ata un 50 % máis de preinscritos.
Fonte: La Vanguardia
A Plataforma pola Lingua lanzou o Catavolta 2.0, un xogo dixital con preguntas sobre a lingua catalá e a súa situación social e legal. Pódese participar a través da web da entidade e tamén desde Facebook.
Fonte: Gencat
O conselleiro de Cultura, Educación e Ordenación Universitaria, Xesús Vázquez Abad, presentou na Biblioteca da Cidade da Cultura de Galicia a nova versión do corrector de galego Imaxín Galgo 2.0.
Fonte: Xunta de Galicia
A comisaria de Educación do Goberno de Lagos, Olayinka Oladunjove, informou de que o goberno introducirá o mandarín, ou lingua chinesa, no currículo das escolas públicas para o próximo ano.
Fonte: The Nation
A Embaixada de España en Estados Unidos premiou sete colexios do país pola súa contribución a reforzar o papel do español como primeira lingua estranxeira en Estados Unidos a través de programas de inmersión ou bilingües.
Fonte: La Información
A escola irlandesa Law Society (Sociedade xurídica) recibirá o Selo Europeo das Linguas 2012 polo seu curso de irlandés xurídico.
Fonte: Irish Times
A Consellería de Cultura, Educación e Ordenación Universitaria desprega durante a fin de semana unha manchea de actividades de promoción do galego destinadas ás entidades adheridas á Rede de Dinamización Lingüística (RDL).
Fonte: Xunta de Galicia
Unha coalición de organizacións de comunidades sudasiáticas lanzou unha campaña nacional apartidista, chamada Vote! (Votade!), en sete linguas do sur de Asia para impulsar o voto da comunidade nas eleccións que se celebrarán no país americano o 6 de novembro.
Fonte: Two Circles
A Xunta de Galicia pon en marcha a primeira edición dos cursos de linguaxe administrativa e xurídica en liña de nivel superior, dirixidos a seguir capacitando lingüisticamente o persoal público.
Fonte: Xunta de Galicia
Subscríbase ao boletín
