Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Departamento de Educación, Universidades e Investigación do Goberno vasco convocou as axudas IKABIL para promover o éuscaro mediante o intercambio entre centros escolares pertencentes á Comunidade Autónoma Vasca para o próximo curso 2012-2013.
Fonte: El Economista
A exposición sobre Valentín Paz-Andrade que promove a Consellería de Cultura, Educación e Ordenación Universitaria inicia a segunda etapa da súa itinerancia na Biblioteca Pública de Pontevedra.
Fonte: Xunta de Galicia
O conselleiro de Cultura, Educación e Ordenación Universitaria, Xesús Vázquez Abad, participou na entrega do XXVIII Premio Celanova, Casa dos Poetas, da que é patrón a Consellería, e que esta edición recaeu no actor Luís Tosar.
Fonte: Xunta de Galicia
Un pequeno grupo de especialistas, estudantes e residentes locais de Shanghai reúnense para evitar a extinción do seu dialecto, que ten raíces nunha das linguas faladas máis antigas de China.
Fonte: Telegraph
O material será presentado en versión audiovisual accesible en lingua de signos boliviana (LSB) e audiolibro de lectura lenta. O obxectivo é facilitar o acceso da Constitución a persoas con capacidades diversas.
Fonte: Erbol
A Consellería de Cultura, Educación e Ordenación Universitaria, a través da Secretaría Xeral de Política Lingüística, organizou unha xornada de actualización metodolóxica e didáctica dirixida ao profesorado colaborador encargado de titorizar os cursos en liña de linguaxe administrativa e xurídica de nivel medio e superior.
Fonte: Xunta de Galicia
A Consellería de Cultura, Educación e Ordenación Universitaria, representada no seu secretario xeral de Política Lingüística, Valentín García, presentou na localidade bergantiñá de Ponteceso outra nova iniciativa recollida na programación de actividades para o ano 2012, aprobada polo Consello de Membros da Rede de Dinamización Lingüística (RDL) o pasado decembro.
Fonte: Xunta de Galicia
A vicerreitora de Docencia e Relacións Internacionais, Fátima Guadamillas, anunciou que durante o presente curso académico o centro ampliará a súa oferta docente cun programa formativo dedicado á lingua turca.
Fonte: Diario Crítico
A Consellería de Cultura, Educación e Ordenación Universitaria inicia o mes de setembro coa posta en marcha da segunda fase de desenvolvemento do programa de dinamización lingüística FalaRedes, impulsado polo departamento dirixido por Vázquez Abad, a través da Secretaría Xeral de Política Lingüística.
Fonte: Xunta de Galicia
A Consellería de Cultura, Educación e Ordenación Universitaria dará continuidade nos tres próximos cursos académicos á proxección da lingua galega, tanto no resto do Estado español coma no estranxeiro, a través da sinatura de acordos de colaboración para a docencia, a investigación e mais a promoción da lingua, a literatura e a cultura galegas.
Fonte: Xunta de Galicia
Subscríbase ao boletín
