Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
É posible que os bebés comecen a aprender as súas linguas maternas antes de ver as caras das súas nais. Segundo os investigadores, os bebés acabados de nacer reaccionan de forma distinta aos sons vocálicos da súa lingua materna e aos de linguas estranxeiras, o que suxire que a aprendizaxe comeza no ventre materno.
Fonte: Science News
Un veciño de Almenara (Castellón), Carles Mateu, foi xulgado tras unha denuncia interposta contra el pola Garda Civil por desordes públicas nun control de rutina, aínda que el asegurou que foi por expresarse en valenciano antes os axentes.
Fonte: El Mundo
A demanda do catalán nas escolas de adultos de Menorca caeu en picado desde que esta lingua xa non é requisito para acceder á función pública en Baleares. Desde que o Goberno autonómico deu a coñecer este cambio de criterio hai dous anos, perdéronse o 66 % das matriculacións nesta materia.
Fonte: Última Hora
Arximiro Fernández Cabanelas, en representación do Servizo de Normalización Lingüística do Concello do Grove, anuncia que a localidade xa forma parte da Rede de Dinamización Lingüística, vinculada á Consellería de Educación e Ordenación Universitaria da Xunta de Galicia.
Fonte: Faro de Vigo
Un usuario da piscina municipal de Redondela, Andrés Couñago Laxe, trasladou ante o Valedor do Pobo as súas queixas polo incumprimento nesta instalación deportiva da Ordenanza Reguladora do Uso do Galego no Concello de Redondela.
Fonte: Faro de Vigo
A exposición ten como obxectivo a promoción de dúas linguas dentro dun marco bilingüe galego-inglés. Ao mesmo tempo, apoiarase a accesibilidade tanto á lingua como á cultura inglesas, así como á disciplina da astronomía.
Fonte: Universidade da Coruña
Os servidores FTP de Mozilla contan, antes do seu anuncio oficial, coa versión definitiva do Firefox 18, nova versión do navegador web que xa está dispoñible para a súa descarga en galego para Windows, OS X e Linux.
Fonte: Código Cero
Un total de 540 profesores de inglés en escolas públicas dos distintos estados brasileiros embarcarán con destino aos Estados Unidos para realizar un curso de perfeccionamento da lingua.
Fonte: Coletivo
Un total de 540 profesores de inglés en escolas públicas dos distintos estados brasileiros embarcarán con destino aos Estados Unidos para realizar un curso de perfeccionamento da lingua.
Fonte: Coletivo
Desenvolven unha aplicación para ordenador que permitirá traducir desde o inglés á lingua nativo-americana seneca, que posúe un maior rango de matices e que aínda continúa evolucionando.
Fonte: Press Connects
Subscríbase ao boletín
