Un pequeno grupo da comunidade Kadazandusum está recibindo axuda dunha universidade australiana para protexer a súa lingua e cultura.
Fonte: The Star
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
02 de xaneiro de 2013
Mallorca disporá dunha emisora de radio nova, Ona Mediterrània, unha emisora exclusivamente en catalán que podería comezar as emisións regulares en abril e que pretende recuperar a voz propia de Mallorca e protexer a cultura balear.
Fonte: Vilaweb
02 de xaneiro de 2013
O catalán ocupa a décimo novena posición na clasificación das linguas máis utilizadas en Twitter, segundo o estudo ‘O Twitter de Babel: mapa das linguas do mundo a través de plataformas de microblogging’.
Fonte: Generalitat de Catalunya
02 de xaneiro de 2013
A comunidade de editores e editoras da Wikipedia en galego levaba dende 2008 facendo unha media aproximada de 12 000 novos artigos por ano, mais neste 2012 a cifra foi moi superior: máis de 15 000.
Fonte: Prolingua
31 de decembro de 2012
No ultimo mes, das 48 noticias colgadas no Facebook do Concello, só 3 estaban escritas en valenciano, o que non chega nin ao 7 % das publicacións.
Fonte: El Periodic
31 de decembro de 2012
O Teatro Gayarre de Pamplona acollerá varios espectáculos infantís en éuscaro, da man das compañías Kresala, Hika Teatroa e Teatro Paraíso.
Fonte: Noticias de Navarra
31 de decembro de 2012
O finés será unha lingua opcional nas escolas infantís e residencias da terceira idade en oito novas cidades suecas, dado que o Goberno aumentou os dereitos dos falantes de linguas minoritarias en todo o país.
Fonte: The Local
31 de decembro de 2012
Unha nova disposición determina o status da lingua de signos e defínea como lingua de comunicación en casos da perda de audición e/ou fala, incluso nas esferas do uso da lingua oficial da Federación Rusa.
Fonte: La Voz de Rusia
31 de decembro de 2012
A Deputación de Pontevedra impulsa tecnoloxicamente os mercados municipais empregando tamén a lingua galega na aplicación para dinamizar o comercio como sector produtivo.
Fonte: CEG
28 de decembro de 2012
Con motivo da súa campaña de Nadal, o Concello da Coruña que preside Carlos Negreira (PP) inzou a cidade de carteis con lemas que para o grupo local d'A Mesa pola Normalización Lingüística "ridiculiza" a cidade e non só pola "clamorosa irrelevancia da lingua galega".
Fonte: Praza Pública
Boletín
Subscríbase ao boletín
