O Espazo das Linguas Ibéricas e Prehispánicas, que promoverá a riqueza lingüística de España e Portugal, estará integrada pola Generalitat de Cataluña, a Xunta de Galicia, o Instituto Vasco Etxepare Euskal Institutua, o Instituto Camões portugués e o Euskarabidea-Instituto Navarro do Éuscaro, ademais do Instituto Cervantes e a Fundación Xeral da Universidade de Alcalá. Non hai, pois, nin rastro da Generalitat Valenciana a través da Academia Valenciana da Lingua ou da Consellería de Cultura nesta institución.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
23 de agosto de 2012
23 de agosto de 2012
As trece escolas infantís do Concello de Pamplona abriron as súas portas para 1134 alumnos do ciclo 0-3. O servizo en éuscaro segue limitado a dous centros da zona da Chantrea.
Fonte: Noticias de Navarra
22 de agosto de 2012
O malabar podería obter o status de lingua clásica ao igual que outras linguas do sur da India como o támil, o telugú ou o canarés. Segundo as normas establecidas polo Goberno da India, unha lingua pode conseguir o status de clásica se ten unha historia de máis de 1500 ou 2000 anos, se ten un corpus de textos e literatura antigos considerado como patrimonio valioso por xeracións de falantes e no caso de que a súa literatura tradicional sexa orixinal, non copiada doutra comunidade de falantes, á vez que diferente da moderna.
22 de agosto de 2012
Calquera persoa que queira presentarse a un cargo público en Quebec terá que demostrar primeiro que sabe falar francés, no caso de que Pauline Marois, líder do Partido Quebequés (Parti Quebecois), resulte vencedora nas eleccións. Esta foi unha das declaracións da líder do partido durante o anuncio das súas últimas promesas electorais sobre política lingüística.
Fonte: CTV News
22 de agosto de 2012
O Instituto da Lingua de Castela e León (ILCYL) pretende reforzar o seu papel como centro de transferencia do coñecemento do español ao sector produtivo. Por este motivo, proxectou para o próximo curso académico máis de 70 actividades, practicamente unha por semana, en diversos puntos da comunidade.
Fonte: ABC
22 de agosto de 2012
O Servizo de Éuscaro do Concello de Donostia ofrecerá cursos de éuscaro dirixidos especialmente aos profesionais do comercio e a hostalería, e que comezarán en outubro.
Fonte: Noticias de Gipuzkoa
22 de agosto de 2012
Aínda que a día de hoxe pode darse a batalla por resolta, aínda hai importantes colectivos que manteñen o termo en castelán. Ocorre, por exemplo, co Liceo Pueblense e con varios clubs deportivos, como os de fútbol e remo.
Fonte: La Voz de Galicia
22 de agosto de 2012
A Plataforma polo Uso do Valenciano en Elxe acusou o Concello desta localidade de marxinar a lingua autóctona en todos os sentidos. A plataforma, integrada por cinco colectivos, puxo en evidencia a política lingüística municipal e manifestou que, tanto no día a día, como na imaxe corporativa, a nivel institucional e toponimia, o actual equipo de goberno amosa unha falta de interese total por este tema.
22 de agosto de 2012
O popular xogo para dispositivos móbiles, con máis de dous millóns de usuarios en todo o planeta e dispoñible en doce linguas, entre elas o catalán e o éuscaro, podería ter versión en galego en breve, pois o fabricante, Etermax, atópase en contacto coa Real Academia Galega, segundo publicou a revista especializada Código Cero.
Fonte: Praza Pública
22 de agosto de 2012
A Consellería de Cultura, Educación e Ordenación Universitaria, por medio da Secretaría Xeral de Política Lingüística, e mais o Concello de Lobios, adherido á Rede de Dinamización Lingüística (RDL), presentan nesta localidade ourensá o programa de cinema de verán e proxectan o filme Vilamor.
Fonte: Xunta de Galicia
Boletín
Subscríbase ao boletín
