O Goberno de Navarra subvencionará 109 171 euros os programas de fomento do éuscaro desenvolvidos polas entidades locais durante o ano 2012.
Fonte: ABC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
10 de setembro de 2012
10 de setembro de 2012
O director de Políticas Culturais da Xunta de Castela e León, José Ramón Alonso, destacou que «aínda que sinalaba que o sector do español estaba chegando ao tope na rexión, este creceu un 13,5 por cento con respecto ao ano pasado, polo que augurou que á comunidade lle queda moito por crecer».
Fonte: Diario de León
07 de setembro de 2012
Noyo, unha compañía de software educativo con base en Boston, anuncia que o portugués será a lingua da súa próxima serie de material en lingua estranxeira, tras o éxito do lanzamento en español.
Fonte: redOrbit
07 de setembro de 2012
A Consellería de Cultura, Educación e Ordenación Universitaria daralle continuidade nos tres próximos cursos académicos á proxección da lingua galega na Universitat de Barcelona, na Universidade Federal de Bahía (Brasil) e na Ruprecht-Karls-Universität Heidelberg (Alemaña), a través da sinatura de acordos de colaboración para a docencia, a investigación e mais a promoción da lingua, da literatura e da cultura galegas.
Fonte: Xunta de Galicia
07 de setembro de 2012
Os empregados de Parques de Canadá poden dicir “ola” e “adeus” aos visitantes nas dúas linguas, pero pásano mal cando teñen que proporcionar servizos bilingües adicionais nos parques nacionais e sitios históricos, segundo un informe.
Fonte: O Canada
07 de setembro de 2012
O alcalde de Vigo, Abel Caballero, asinou un protocolo de colaboración coas comunidades de montes de Cabral, Comesaña, Candeán e Zamáns, ademais da Entidade Menor de Bembrive para recoller e poñer en valor a microtoponimia das parroquias da cidade.
Fonte: Concello de Vigo
07 de setembro de 2012
A vida e a obra de Valentín Paz-Andrade chegan a Pontevedra a través dunha exposición multimedia promovida pola Consellería de Cultura, Educación e Ordenación Universitaria.
Fonte: Xunta de Galicia
06 de setembro de 2012
A Consellería de Cultura, Educación e Ordenación Universitaria, a través do Centro Ramón Piñeiro para a Investigación en Humanidades (CRPIH), adscrito á Secretaría Xeral de Política Lingüística, foi a anfitrioa da xuntanza científica que desenvolve con periodicidade anual en Galicia a Rede Temática de Literaturas Infantís e Xuvenís do Ámbito Ibérico e Iberoamericano.
Fonte: Xunta de Galicia
06 de setembro de 2012
A dirección de Educación Indíxena prepara un programa de reforzo de lingua maia como parte do seu ensino para o período 2012-2013. Tamén haberá un reforzo do coñecemento sobre o tema nos docentes para que poidan aplicar o programa cos estudantes.
Fonte: Sipse
06 de setembro de 2012
Un estudo demostrou que os rapaces bilingües de familias con poucos recursos teñen máis facilidade para dirixir e centrar a súa atención, en comparación cos nenos monolingües.
Fonte: Diário da Saúde
Boletín
Subscríbase ao boletín
