Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Consellería de Cultura, Educación e Ordenación Universitaria continúa a promover a investigación arredor da lingua galega coa concesión de oito novas bolsas de formación en proxectos que está a desenvolver o Centro Ramón Ramón Piñeiro para a Investigación en Humanidades (CRPIH).
Fonte: Xunta de Galicia
O conselleiro de Cultura, Educación e Ordenación Universitaria, Xesús Vázquez Abad, presentou na Cidade da Cultura de Galicia o programa de actividades promovidas pola Xunta de Galicia para dar a coñecer a figura de Valentín Paz-Andrade, co gallo da dedicación do Día das Letras Galegas a este poeta, político e empresario.
Fonte: Xunta de Galicia
Os plans para reforzar a lingua galesa nos coidados sanitarios e sociais poden ter un impacto negativo no proceso de contratación de máis médicos.
Fonte: Wales Online
Gyani Maiya Sem, unha muller de 75 anos do oeste de Nepal, é a única persoa viva en Nepal que fala fluidamente a lingua kusunda. As orixes descoñecidas e a misteriosa estrutura oracional do kusunda desconcertan os lingüistas desde hai tempo.
Fonte: BBC
As actuacións celebraranse os xoves 17 e 24 de maio na Escola Navarra de Teatro, con entrada gratuíta. Cada día haberá dobre actuación dirixida ao público novo e adulto, dado que a obra teatral irá precedida dun monólogo ou dunha narración.
Fonte: Noticias de Navarra
Miles de persoas asistiron á gran Trobada d’Escoles en Valencià que conmemoraba o 25 aniversario do primeiro encontro que se organizou en 1987. Os asistentes fixeron un chamamento claro a favor do valenciano e en contra dos recortes.
Fonte: Las Provincias
A plataforma Vitaminas para o Galego, que agrupa 29 medios de comunicación en lingua galega, prepara distintas accións para o Día das Letras, englobadas baixo o título de Vitaminas 17. Na véspera, 16 de maio, o manifesto a prol do xornalismo en galego, elaborado pola plataforma, lerase en 17 escolas e institutos de Galicia, diante de 17 casas dos concellos, en 17 cidades de todo o mundo e traducirase ás 17 linguas máis faladas.
A Consellería de Cultura, Educación e Ordenación Universitaria recibiu na Cidade da Cultura de Galicia os 9 estudantes de 1º e 2º de ESO do Instituto Cañada Blanch (Londres) que están a visitar Galicia en viaxe de estudos. Desta forma as rapazas e rapaces complementan os seus estudos de lingua e cultura galegas, mediante o contacto directo coa lingua propia de Galicia e as actividades culturais programadas para a súa estadía.
Fonte: Xunta de Galicia
A Consellería de Cultura, Educación e Ordenación Universitaria participou no acto da iniciativa “En galego, agora e sempre”, a través da Secretaría Xeral de Política Lingüística representada por Valentín García, que tomou parte no encontro organizado pola Entidade Local Menor de Morgadáns e pola Asociación de Funcionarios para a Normalización Lingüística.
Fonte: Xunta de Galicia
Segundo revela un novo estudo a cargo de científicos británicos e estadounidenses, algunhas das rexións máis diversas lingüisticamente atópanse en focos de biodiversidade e espazos naturais virxes de gran diversidade biolóxica. Os resultados, publicados na revista PNAS, indican que preto do 70 % das linguas do mundo se falan en rexións destas características. Este estudo achega información sobre a vida das poboacións das devanditas zonas e ofrece coñecementos de utilidade para a conservación da biodiversidade.
Subscríbase ao boletín
