Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Consello de Goberno de Estremadura aprobou o decreto que regula as actuacións de formación do profesorado relativas ao Programa Integral de Aprendizaxe das Linguas Estranxeiras (PIALE) e autoriza a convocatoria para o ano 2012 cun orzamento de 170 366 euros.
Fonte: El Economista
O Real Sitio de Aranjuez (Aranjuez, Madrid) inaugurou, co impulso da Fundación Orange, un servizo gratuíto de signoguías que fará accesible o valor cultural deste espazo ás persoas xordas.
Fonte: Europa Press
O conselleiro de Cultura, Educación e Ordenación Universitaria, Xesús Vázquez Abad, entregou os certificados aos 16 docentes de 12 países da Unión Europea que estiveron en Galicia no marco do programa Lifelong Learning Programme.
Fonte: Xunta de Galicia
Entender a diversidade lingüística entre os estudantes londinienses é un factor clave para o futuro da cidade como ‘axente global’, segundo un estudo.
Fonte: The Information Daily
Un grupo de arqueólogos descubriu en Turquía restos dunha antiga lingua descoñecida, de 2500 anos de antigüidade e coetánea do Imperio Asirio.
Fonte: First Post
Co fin de «impulsar o debate, a intriga e a emoción», a asociación euskaltzale de tempo libre Txatxilipurdi Elkartea creou ‘Sua!’, un novo xogo de mesa en éuscaro inspirado na mitoloxía vasca.
Fonte: Diario Vasco
A conselleira de Ensino da Generalitat de Cataluña anunciou que dará bolsas a un máximo de 80 alumnos do grao de Educación Primaria da Universidade Autónoma de Barcelona (UAB) para a aprendizaxe de inglés.
Fonte: Europa Press
A Consellería de Cultura, Educación e Ordenación Universitaria, xunto coa Deputación da Coruña, anunciou en rolda de prensa unha nova actividade da Rede de Dinamización Lingüística (RDL), que levará á Coruña aos coñecidos Bolechas o vindeiro 13 de maio.
Fonte: Xunta de Galicia
O secretario xeral de Política Lingüística, Valentín García, asistiu á entrega da 3.ª Edición do Premio Rosalía de Castro de Lingua e Cultura, a Pedro Benvante.
Fonte: Xunta de Galicia
O conselleiro de Cultura, Educación e Ordenación Universitaria, Xesús Vázquez Abad, salientou no Parlamento de Galicia o traballo que está a desenvolver o departamento que dirixe polo prestixio da lingua propia de Galicia, “convencidos de que o seu presente e o futuro dependen de que na sociedade cale o necesario sentimento de afecto e da utilidade que ten o noso idioma”.
Fonte: Xunta de Galicia
Subscríbase ao boletín
