Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Consellería de Cultura, Educación e Ordenación Universitaria fai partícipes da conmemoración das Letras Galegas e da difusión da vida e da obra do homenaxeado deste ano, Valentín Paz Andrade, a 16 países de todo o mundo a través da difusión de dúas exposicións confeccionadas por alumnado e profesorado de dous centros de ensino de Galicia.
Fonte: Xunta de Galicia
A Consellería de Cultura, Educación e Ordenación Universitaria intensificará a actividade do programa FalaRedes durante a Semana das Letras Galegas, de maneira que nestes sete días chegará a un total de 17 concellos da Rede de Dinamización Lingüística (RDL) da Xunta de Galicia para sumarse á homenaxe á lingua galega.
Fonte: Xunta de Galicia
A Consellería de Cultura, Educación e Ordenación Universitaria, a través da Secretaría Xeral de Política Lingüística, vén de convocar seis prazas en lectorados de lingua, literatura e cultura galegas de España, Francia, Reino Unido, Irlanda e Brasil.
Fonte: Xunta de Galicia
O secretario xeral de Medios, Alfonso Cabaleiro, e o secretario xeral de Política Lingüística, Valentín García, asistiron á entrega dos XIX Premios de Publicidade en Galego convocados polos consellos asesores da RTVE en Galicia e da CRTVG, en colaboración coa Secretaría Xeral de Política Lingüística.
Fonte: Xunta de Galicia
A Oficina Federal de Inmigración lanzou un sistema de aprendizaxe de linguas especificamente definido en torno á necesidade de integración dos inmigrantes. O curso será introducido gradualmente en colaboración cos cantóns a partir do verán.
Fonte: Swissinfo
Cada vez máis, na India, os pais rexeitan educar os seus fillos na súa lingua materna en favor do inglés. A pesar dos avisos dos docentes de que a escolaridade temperá nunha lingua non familiar afecta o desenvolvemento cognitivo dos nenos, na última década houbo un crecemento exponencial no país das escolas cuxa lingua vehicular é o inglés.
Fonte: The Guardian
A Deputación Foral de Biscaia aprobou unha subvención de 355 000 euros a Euskaltzaindia, a Real Academia da Lingua Vasca, en resposta ao compromiso do Departamento de Cultura de apoiar proxectos que teñan por obxecto a promoción do éuscaro.
Fonte: Europa Press
A maioría de cidadáns de comunidades oficialmente bilingües cre que as políticas desenvolvidas polos executivos autonómicos para promover o coñecemento e o uso da lingua propia son “adecuadas”, mentres que desde as rexións monolingües as medidas se ven maioritariamente como “excesivas”.
Fonte: ABC
A Consellería de Cultura, Educación e Ordenación Universitaria e a compañía galega de distribución alimentaria, Vegalsa-Eroski, volven a unir forzas, desta vez para achegar á cidadanía a figura de Valentín Paz-Andrade, poeta, político e empresario ao que se lle dedica este ano o Día das Letras Galegas.
Fonte: Xunta de Galicia
A Consellería de Cultura, Educación e Ordenación Universitaria –a través da Secretaría Xeral de Política Lingüística- segue a programar as actividades de FalaRedes polos concellos integrantes da Rede de Dinamización Lingüística (RDL) da Xunta de Galicia.
Fonte: Xunta de Galicia
Subscríbase ao boletín
