Unha asociación xuvenil de Leiría tenta loitar contra a exclusión de comunidades de culturas e nacionalidades diferentes derrubando a barreira lingüística, ao promover gratuitamente a súa aprendizaxe.
Fonte: Diario de Notícias
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
10 de maio de 2012
Varios axentes da policía británica aprenderon lingua de signos para comunicarse coas persoas xordas ou con dificultades auditivas.
Fonte: This is Leicestershire
10 de maio de 2012
Un 9,9 % da poboación inicialmente castelanfalante de Cataluña adopta o catalán como lingua principal ao longo da súa vida, segundo un estudo sociolingüístico que revela tamén que un 74,5 % da poboación consume como mínimo un medio de comunicación en catalán.
Fonte: ABC
10 de maio de 2012
Arredor de 50 000 alumnos do segundo ciclo de Infantil -3,4 e 5 anos- e primeiro ciclo de Primaria -6 e 7 anos- terán a posibilidade de escoller a primeira lingua do seu ensino durante o próximo curso escolar 2012-2013.
Fonte: Europa Press
09 de maio de 2012
O pleno do Concello de Lugo aprobou por unanimidade unha ordenanza que regulará o uso da lingua galega no ámbito da Administración municipal.
Fonte: COPE
09 de maio de 2012
O fiscal superior de Galicia, Carlos Varela, defendeu ante o presidente da Real Academia Galega (RAG), Xosé Luís Méndez Ferrín, a necesidade de que a institución "se proxecte por riba da literatura" para poder incidir na difusión da lingua en ámbitos como o xurídico.
Fonte: ABC
09 de maio de 2012
O conselleiro de Cultura, Educación e Ordenación Universitaria, Xesús Vázquez Abad, participou nun encontro coa Asociación de Empresarios Galegos en Cataluña (AEGA-CAT).
Fonte: Xunta de Galicia
09 de maio de 2012
Univisión News asociouse con ABC News para crear unha nova canle de noticias en inglés, co obxectivo de aproveitar o crecente mercado hispano nos Estados Unidos.
Fonte: Hispanic Business
09 de maio de 2012
O gobernador de Porto Rico está intentando facer o que máis dun século de cidadanía estadounidense non conseguiu: facer que os portorriqueños falen inglés fluído. O gobernador Luís Fortuno propuxo un ambicioso plan que requirirá que todas as escolas públicas ensinen completamente en inglés en lugar de en español.
Fonte: Associated Press
09 de maio de 2012
O Consello de Goberno vasco aprobou a orde pola que se regula e convoca a concesión de subvencións para a promoción, difusión e/ou normalización do éuscaro na sociedade.
Fonte: Europa Press
Boletín
Subscríbase ao boletín
