Canal Sur retransmitirá o Día de Andalucía os actos institucionais que conmemoran a autonomía. Todos os actos serán interpretados á lingua de signos española.
Fonte: Diario Signo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de febreiro de 2012
Un novo informe mostra que, dentro de dez anos, o ensino da lingua indonesia desaparecerá completamente do sistema educativo de Australia. Desde 2006, as inscricións caeron un 40 % e as universidades están pechando os programas de ensino desta lingua.
Fonte: ABC Radio Australia
27 de febreiro de 2012
O secretario xeral de Política Lingüística da Consellería de Cultura, Educación e Ordenación Universitaria, Valentín García, inaugurou a Xornada de Innovación en Dinamización Lingüística para Equipos de Dinamización da Lingua Galega (EDLG) que se celebrou no IES As Fontiñas, en Santiago.
Fonte: Xunta de Galicia
27 de febreiro de 2012
Iniciativa polo Asturiano denuncia un novo paso atrás no uso do asturiano por parte do concello de Oviedo.
Fonte: Infoasturies
27 de febreiro de 2012
A lingua das illas non será necesaria para ser policía local, aínda que cada concello determinará o nivel de coñecemento que se debe ter dependendo do tipo de traballo de cada axente.
Fonte: Diario de Ibiza
26 de febreiro de 2012
Nunha carta a un xornal italiano, o antigo ministro de Economía e Finanzas, Giulio Tremonti, pediu á cadea pública de televisión (RAI) que retransmita películas en versión orixinal con subtítulos en italiano, co fin de incrementar a competencia lingüística dos cidadáns.
Fonte: POST
26 de febreiro de 2012
O Instituto de Lingua Alemá de Atenas viu como o número de inscricións en cursos de lingua alemá medrou un 23 % en comparación co mesmo período do ano pasado: uns 450 estudantes fronte aos 370 do mesmo semestre de 2011.
Fonte: EUobserver
24 de febreiro de 2012
Unha lexisladora de Aurora, no estado americano de Colorado, Suzanne Williams, está tentando que se aprobe unha lei que aspira a promover as linguas indias americanas nas escolas públicas. A proposta, que se atopa aínda nas fases iniciais do proceso de aceptación lexislativa, permitiría aos falantes adultos das tribos indíxenas traballar nas escolas públicas como profesores das súas linguas nativas.
Fonte: Aurora Sentinel
24 de febreiro de 2012
Moitos falantes e científicos están botando man dos recursos que ofrece a informática e internet para salvar linguas ameazadas de extinción. Con motivo dunha conferencia sobre ciencias na cidade canadense de Vancouver, equipos de lingüistas presentaron programas e dicionarios en liña que axudan a preservar rexistros sonoros ou frases e palabras destas linguas.
Fonte: Cruzeiro do Sul
24 de febreiro de 2012
A asociación N’Ast solicitou formalmente á Xunta Electoral Provincial “que facilite a todos os asturianos exercer o seu dereito a votar en asturiano, emitindo as papeletas electorais de todas as candidaturas presentadas en lingua asturiana e distribuíndoas con normalidade nos colexios electorais".
Fonte: Asturnews
Boletín
Subscríbase ao boletín
