O 65,2 por cento dos alumnos que ingresaron na Escola Xudicial son mulleres e o 46,08 por cento están interesados en recibir clases dalgunha lingua cooficial, case a metade deles de catalán.
Fonte: Galicia Hoxe
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
15 de xullo de 2011
15 de xullo de 2011
En Nova Zelandia está tomando corpo unha campaña para recoñecer as cinco principais linguas do Pacífico como linguas minoritarias oficiais. Á fronte están os samoanos Judy e John McCaffery, que queren que todos os nenos do Pacífico en Nova Zelandia teñan o dereito e a oportunidade de medrar falando, lendo e escribindo na súa lingua ou linguas de herdanza, ademais de en inglés.
Fonte: Radio Australia
15 de xullo de 2011
O 4 % da poboación lectora española que le en máis dunha lingua escolle o galego como idioma de lectura de xeito habitual ou ocasional por detrás do castelán, inglés, catalán e francés.
Fonte: Culturagalega.org
14 de xullo de 2011
O presidente da Xunta de Galicia, Alberto Núñez Feijóo, destacou o labor do Instituto da Lingua Galega no estudo e na investigación permanente do idioma galego para que "sexa un elemento de cohesión social".
14 de xullo de 2011
O Senado acordou, coa única oposición do PP, apoiar unha moción presentada polo PSOE na que se insta o Goberno a tomar medidas para garantir o dereito dos cidadáns a acceder aos contidos cinematográficos e audiovisuais no idioma que prefiran.
Fonte: El País
14 de xullo de 2011
A petición de declaración institucional indica que "as liñas en valenciano son o resultado democrático da reivindicación de pais, mestres e alumnos do dereito a un ensino e unha aprendizaxe en valenciano".
Fonte: Levante
14 de xullo de 2011
A Secretaría Xeral da Emigración convoca cursos preparatorios de lingua galega para os niveis Celga e de extensión cultural, que se realizarán nos centros galegos do exterior e nas cidades onde exista unha importante demanda no coñecemento da lingua galega.
Fonte: Xuventude
14 de xullo de 2011
O secretario xeral de Política Lingüística, Anxo Lorenzo, participou no encontro Empresa e Identidade, que busca poñer en valor o compromiso das empresas coa lingua galega.
Fonte: Xunta de Galicia
13 de xullo de 2011
A deputada do Parlamento boliviano, Flora Oyardo, presentou un proxecto de lei que propón a creación da Academia Boliviana de Idiomas e Costumes Indíxenas para garantir o ensino do idioma e a cultura das 36 nacións e pobos indíxenas de Bolivia.
Fonte: La Razón
13 de xullo de 2011
Un informe publicado polo Tribunal Waitangi en Nova Zelandia mostra que, malia o incremento das iniciativas destinadas á promoción da lingua maorí, esta está seriamente ameazada. A porcentaxe de maorís que fala a lingua nativa declinou de 1996 a 2006, incluído un significativo descenso dos nenos menores de 10 anos que falan a lingua. Ademais, o número de persoas que recibe unha educación en lingua maorí e o das que a aprenden nas institucións de ensino superior tamén caeu desde 1990.
Boletín
Subscríbase ao boletín
