Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Alumnos e alumnas de Filoloxía Galega da Universidade de Santiago de Compostela visitaron a Secretaría Xeral de Política Lingüística para completar a súa formación académica na materia que están a cursar sobre Planificación sociolingüística da lingua galega.
Fonte: Xunta de Galicia
A diversidade lingüística e cultural do Camiño de Santiago protagoniza unha exposición que chega a Alemaña e que busca poñer en valor o plurilingüismo e a riqueza cultural no ámbito europeo a través do galego.
Fonte: Xunta de Galicia
O profesor da Universidade da Coruña Xosé Manuel Sánchez Rei reforza con argumentos sólidos a réplica a preconceptos sobre o galego no ensaio Lingua galega e variación dialectal, que acaba de publicar Laiovento.
Fonte: El País
A Consellería de Educación e Cultura seguirá potenciando o ensino e a aprendizaxe da lingua portuguesa como elemento de definición da educación en Estremadura.
Fonte: Extremadura al Día
A Oficina de Normalización Lingüística do Concello de Llaviana convocou o seu primeiro concurso de elaboración de postais de Nadal en lingua asturiana, dirixido aos alumnos dos centros de educación primaria do concello.
Fonte: 20 minutos
Co fin de responder á necesidade de protexer as linguas locais, durante a presentación da tradución do libro A lingua ormuri: pasado e presente, expertos de Paquistán e outros países instaron a facer un esforzo para salvar esta lingua, falada polo pobo ormuri en Paquistán e Afganistán.
Fonte: The Express Tribune
O condado de Dodge, no estado americano de Nebraska, non imprimirá o material electoral en lingua española porque cre que o nivel de alfabetización da poboación de orixe latina (un 10 % do total do condado) é superior á media nacional.
Fonte: Fox News
Un lipdub (un vídeo musical no que os protagonistas fan playback mentres soa a música nun reprodutor móbil dunha canción popular e que é costume realizar nunha soa toma) feito no CPI Virxe da Saleta de Cea a finais do pasado curso en defensa do galego está triunfando nas redes sociais.
Fonte: La Voz de Galicia
Un novo proxecto de radio en lingua galega vén de aparecer na rede: anfiteatrogzradio. A súa intención é a de encher as 24 horas do día con programación de diversos contidos, coa finalidade de crear unha emisora en galego que fomente os grupos musicais galegos, a literatura galega... e todo canto teña cabida no mundo da cultura.
Fonte: SNL de Redondela
A mellora da competencia en galego do persoal da Administración Xeral do Estado que presta os seus servizos en Galicia é un obxectivo que comparten a Xunta e o Instituto Nacional de Administración Pública (INAP).
Fonte: Xunta de Galicia
Subscríbase ao boletín
