As empresas e organizacións de Escocia empregan cada vez máis o gaélico nas súas actividades e carteis comerciais, segundo a asociación da lingua gaélica Comunn na Gàidhlig.
Fonte: BBC News
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
25 de outubro de 2011
A BBC, a S4C (canle en lingua galesa) e o Goberno británico chegan a un acordo sobre o financiamento da televisión galesa ata 2017. O presidente da dirección da S4C, Huw Jones, considerou o acordo como "histórico e importante".
Fonte: Wales Online
25 de outubro de 2011
Máis de 15 000 alumnos aragoneses quedarán este ano sen o plan de animación cultural en catalán Jesús Moncada despois de que o Goberno de Aragón decidira suprimilo.
Fonte: El Periódico de Aragón
25 de outubro de 2011
Os eurodeputados de CiU, ERC e ICV uníronse para presentar unha emenda conxunta que pide a oficialidade do catalán na UE aproveitando a revisión dos tratados debido á próxima adhesión de Croacia.
Fonte: La Vanguardia
25 de outubro de 2011
O profesor da Universidade de Santiago de Compostela Miguel Abel e o técnico do Servizo de Normalización Lingüística Xusto Rodríguez elaboraron un vocabulario de termos de dereito penal en galego.
24 de outubro de 2011
Aínda que o inglés segue sendo a lingua máis falada entre o persoal directivo dos catro continentes, o chinés estase convertendo non só na lingua máis falada do mundo senón tamén na chave mestra para o mercado asiático, líder mundial da produción industrial.
Fonte: Manager Online
24 de outubro de 2011
Os cidadáns da Unión Europea teñen agora a posibilidade de atopar un notario que fale a súa lingua en calquera país de Europa. O Comité de Notarios da Unión Europea (CNUE) e a Comisión Europea puxeron en marcha o directorio www.notaries-directory.eu que permitirá aos cidadáns atopar un notario en Praga, por exemplo, que fale portugués co obxectivo de que lles axude cos negocios transfronteirizos como a adquisición de bens inmobiliarios ou operacións de liquidación de sucesións, entre outros.
24 de outubro de 2011
O secretario xeral de Política Lingüística, Anxo Lorenzo, presentou os obxectivos e estratexias polos que aposta o seu departamento para promover o fomento social do galego. Fíxoo no congreso As Linguas e Culturas do Camiño de Santiago de Compostela: Presente e Futuro, no marco dunha mesa redonda sobre a promoción dos idiomas minoritarios desde as institucións rexionais europeas.
Fonte: Xunta de Galicia
24 de outubro de 2011
A aplicación está destinada a persoas que están aprendendo éuscaro, así como a tradutores, escritores, profesores ou estudantes, que busquen a máxima corrección nos seus textos, segundo informou Ideateca.
Fonte: Europa Press
24 de outubro de 2011
Os alumnos da Fundación Vinjoy, coa colaboración da Universidade de Oviedo, editaron un DVD musical en lingua de signos. Cancións para ver, nas que se mesturan a interpretación teatral coas letras signadas por estudantes.
Fonte: El Comercio
Boletín
Subscríbase ao boletín
