Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Que se domine o castelán, éuscaro e unha terceira lingua, principalmente, inglés. Este é o obxectivo do proxecto educativo trilingüe que pretende estender o Goberno vasco. Ás 40 escolas nas que xa se imparte a experiencia de educación trilingüe de forma piloto, o ano que vén sumaranse 78 novos centros, entre públicos e privados.
Fonte: ADN
A Consellería de Educación e Ordenación Universitaria da Xunta de Galicia vén de presentar en Bruxelas o curso multimedia de chinés que está a impulsar no marco do proxecto CHINESECOM (www.chinesecom.eu) na Conferencia “EU-China Conference on Multilingualism” (Conferencia sobre Plurilingüismo UE-China).
Fonte: Xunta de Galicia
Xa se coñecen os gañadores da XVII edición dos premios Lois Peña Novo. Un dos premios recaeu no Concello de Ames polo desenvolvemento dunha política lingüística dirixida ao fomento do uso do galego. Os outros dous premios foron para Alba Nogueira López, profesora de Dereito Administrativo, e Xosé Rodríguez Cruz, funcionario do Corpo Nacional de Policía na comisaría provincial de Ourense.
Fonte: Concello de Ames
A Federación de Asociacións Culturais de Aragón Oriental (FACAO) únese á demanda da Plataforma Aragonesa “Non Falamos Catalán” para solicitar a “inmediata” modificación da Lei de patrimonio para substituír a referencia á lingua catalá pola lingua aragonesa e as súas modalidades.
Fonte: Europa Press
O director xeral de Asuntos Relixioso sinala que os líderes espirituais “deben facer un esforzo para integrarse na cultura e falar a lingua propia [de Cataluña], sexa cal sexa a súa lingua de orixe, para evitar, precisamente, posibles guetos”.
Fonte: La Voz de Barcelona
A proba de coñecementos de coreano (TOPIK) está gañando popularidade en Taiwán, pois máis persoas amosan interese en aprender esta lingua. O número de persoas que realizou o exame aumentou en porcentaxes de dous díxitos desde a súa introdución en 2005.
Fonte: The China Post
Máis de 300 estudantes aprenderon lingua e cultura galegas en universidades do País Vasco durante o curso académico 2010-2011. Fixérono a través dos centros de estudos galegos cos que conta actualmente a Secretaría Xeral de Política Lingüística na Universidade do País Vasco (UPV) e mais na Universidade de Deusto.
Fonte: Xunta de Galicia
Arredor de 2000 horas de gravacións, con voces duns 7000 informantes, conforman na actualidade o Arquivo do Galego Oral (AGO), un proxecto no que o Instituto da Lingua Galega (ILG) vén investigando desde o ano 1974 e que conta co apoio da Secretaría Xeral de Política Lingüística.
Fonte: Xunta de Galicia
O presidente do Tribunal Supremo, Benjamin Odoki, aclarou que os dirixentes locais poden prestar xuramento nas linguas locais para evitar incomodidades, tal e como estaba pasando en varios distritos, xa que varios dirixentes locais non deron prestado os seus xuramentos en inglés.
Fonte: All Voices
O presidente de Acción Cultural do País Valenciano (ACPV), Eliseu Climent, pediulle ao Estado que aplique a Carta Europea das Linguas que permite a interconexión entre radios e televisións públicas que se expresan en catalán, galego e vasco.
Fonte: Galicia Hoxe
Subscríbase ao boletín
